名館 (已結業)

一向都好鍾意去名館食飯，因為好食又唔貴，食物又有質素👍🏻 今晚去食晚飯，餐牌更新左，有好多新菜式，所以又試吓新菜～陳醋珊瑚紅海蜇頭$68珊瑚紅海蜇頭非常爽口，用陳醋醃得好入味，非常開胃😋 青瓜都係醃得非常入味，推介👍🏻芥末鹹水角$48有別於一般嘅鹹水角，用芥末調味，唔算好濃，不過做得好好，鹹水角炸得好脆，好香口，餡料唔算太多，但味道好好👍🏻姬松茸爆炒豚肉 $98姬松茸炒得非常惹味好食，配菜有西芹，亦非常爽口入味，豚肉係豬頸肉，亦係爽口好味🤤藜麥菌皇炒飯 $98非常健康嘅炒飯👍🏻 油亦都唔多，菌皇切成粒，配埋藜麥，味道好好，口感亦都好好，真係好味又健康😋金銀蒜銀魚蒸娃娃菜 $68金銀蒜好香，銀魚唔算好多，娃娃菜蒸得夠腍，清新好味～網紅小白兔 $58非常有趣可愛，有三隻小白兔，眼睛係朱古力，裏面係紅豆餡，餡料唔算多，但味道唔錯～