華星冰室 (阜財街) (已結業)

元朗大把選擇真可以吾使揀佢早餐只可以通粉，常餐只可以跟公仔麵。正常都可以轉其他，吾轉得吾緊要既，但我吾知吾轉得，問下男樓面佢就黑口黑面勁吾耐煩，雖然帶住口罩，但眼神同態度都極吾友善。另外衛生都吾見得好好，佢放低兩杯水，但其中一個杯邊仲痴住食物既殘渣冇洗乾淨，因為我吾飲只用黎洗餐具，加上個男樓面好似得罪佢咁，都費事叫佢換。食物質素就中規中矩啦，都係火腿通同沙爹牛麵，冇特別好食，又吾難食。之後埋單，個女收銀又係好似得罪佢咁，黑口黑面又冇講幾錢同找幾錢，再加找錢用掉的，雖然我有眼睇張單既，但基本禮貌都冇。