茶墨 (已結業)

今日特登出尖沙咀搞文件野，搭成個鐘頭車，一來一回都晒左2個鐘，所以就為免浪費左搭車時間，就搵下尖沙咀附近有無咩搞作。朋友話有間手作飲品店好出名，一場出到黎就試下啦！呢間「茶墨」係尖沙咀The One，夠晒就腳，店門都幾靚，相信野飲野食都有返咁試下心思茶墨主打水墨風飲品，但亦有好多其他食品，雪糕蛋糕養生茶都有。店鋪仲有位置可以堂食，唔洗拎住係條街到除口罩飲我叫左鐵觀音沙冰，已經睇到啲水墨風係到，好靚！飲落好重紫薯味，又飲到黑芝麻味，整體唔太甜，岩岩好。入面有啲碎冰，天氣咁熱飲呢個就岩晒啦朋友叫左抹茶麻糬，上面啲cream要搞均先飲，抹茶味都出，但最正係啲彈牙既麻糬，平時珍珠奶茶飲得多，今日食呢個麻糬有另一番風味！日式奶茶蛋糕，好多cream，食落雖然唔係好有奶茶味，但蛋糕好軟身，味道亦出色，唔錯！