影片
更多
2023-06-21
80 瀏覽
茶墨📍尖沙咀彌敦道100號The ONE 4樓L411號舖今日同朋友一齊放假，黎到尖沙咀呢一間文青打卡地方📸📸🥰🥰，呢度裝修係以木製為主，係一間開放式店舖，客人可以先到收銀處落單同付款後再自己搵位置坐，除左坐位外，店舖重有兩張企枱，可以比客人自由選擇👍睇到menu發現都有幾多選擇，有多款特別嘅手搖飲品，有文青必買嘅水墨風、經典奶茶、焦糖芝士系列等等……如果唔想飲嘢重可以選擇食Low Fat Gelato🍦或者係蛋糕🍰今次我同朋友就飲品雪糕都要曬🥰👇(5星最為喜愛✨️）麻糬芝麻烏龍鮮奶茶$42 ⭐️⭐️⭐️⭐️賣相好似水墨畫咁✨️飲落就好似飲緊芝麻糊咁🤣充滿香濃芝麻味配上烏龍茶，加左d麻糬勁煙韌勁有口感，令成杯飲品變得更為豐富👍紫薯鐵觀音沙冰 $42 ⭐️⭐️⭐️⭐️賣相一樣都係好靚📸！真材實料用紫薯整成薯蓉，飲落會有啲細細粒嘅紫薯粒，再配埋充滿茶香嘅鐵觀音茶，重點係呢一杯係沙冰黎架🍧，夏天消暑簡直冇得輸👍👍P.S 飲品打完卡記得要攪勻先好飲呀📸單球意式雪糕 x2 $64 ⭐️⭐️⭐️⭐️⭐️有好多味道可以選擇，我地就選擇左期間限定嘅烏龍茶味同荔枝雪葩，雪糕唔會好易就溶化，店員重會將雪糕裝滿，好似唔只一球嘅份量添🥰
📍尖沙咀彌敦道100號The ONE 4樓L411號舖
今日同朋友一齊放假，黎到尖沙咀呢一間文青打卡地方📸📸🥰🥰，呢度裝修係以木製為主，係一間開放式店舖，客人可以先到收銀處落單同付款後再自己搵位置坐，除左坐位外，店舖重有兩張企枱，可以比客人自由選擇👍
睇到menu發現都有幾多選擇，有多款特別嘅手搖飲品，有文青必買嘅水墨風、經典奶茶、焦糖芝士系列等等……如果唔想飲嘢重可以選擇食Low Fat Gelato🍦或者係蛋糕🍰今次我同朋友就飲品雪糕都要曬🥰👇
(5星最為喜愛✨️）
麻糬芝麻烏龍鮮奶茶$42 ⭐️⭐️⭐️⭐️
賣相好似水墨畫咁✨️飲落就好似飲緊芝麻糊咁🤣充滿香濃芝麻味配上烏龍茶，加左d麻糬勁煙韌勁有口感，令成杯飲品變得更為豐富👍
紫薯鐵觀音沙冰 $42 ⭐️⭐️⭐️⭐️
賣相一樣都係好靚📸！真材實料用紫薯整成薯蓉，飲落會有啲細細粒嘅紫薯粒，再配埋充滿茶香嘅鐵觀音茶，重點係呢一杯係沙冰黎架🍧，夏天消暑簡直冇得輸👍👍
P.S 飲品打完卡記得要攪勻先好飲呀📸
單球意式雪糕 x2 $64 ⭐️⭐️⭐️⭐️⭐️
有好多味道可以選擇，我地就選擇左期間限定嘅烏龍茶味同荔枝雪葩，雪糕唔會好易就溶化，店員重會將雪糕裝滿，好似唔只一球嘅份量添🥰，以份量黎講都已經值回票價👍，店舖令人最吸引嘅特色就係雪糕標榜為低脂雪糕，怕肥或減緊肥嘅朋友都可以食多兩啖😆荔枝雪葩有粒粒荔枝果肉，每啖都會食到🥰，仲有濃濃嘅荔枝香～而烏龍茶雪糕茶味濃郁，唔甜得黎又唔會有茶嘅苦澀味。兩款雪糕都十分推薦呀👍👍👍
張貼
