影片
更多
2023-03-25
39 瀏覽
📍KATANA by SAKEH (中環)中環呢間居酒屋裝修偏向西式，但食物頗有日本當地風味。而且唔少菜式都係香港少見，鐘意試新嘢就啱晒！🥢燒鳥組合 (雞蠔、雞上髀肉) $1281️⃣雞蠔肉鹽燒2️⃣雞上髀肉汁燒3️⃣雞上髀肉 柚子胡椒汁燒嘅雞上髀肉會比起柚子胡椒味好食，口感明顯更加軟嫩。但一食雞蠔肉就會覺得雞蠔肉比雞腿肉高太多個層次🤫。更加嫩滑有彈性，鹽燒都勁juicy🤩。🥢豬腸 $32彈牙略帶𡁻勁，醬汁香甜但仍然食到豬腸本身嘅味道同油香。一串完全唔夠食🤫。🥢雞軟骨 $38爽脆鹹香，不過呢個價錢份量有啲少🥲。🥢白菌 $28日式串燒比較少見嘅選擇～燒完依然juicy。🥢海之盛天婦羅 $168每份有一隻虎蝦、一隻蠔、一隻白身魚、兩件帆立貝，比起散叫抵食得多！麵衣薄薄一層，香脆乾爽。虎蝦彈牙鮮甜，好味到想encore🥰。🥢牛湯烏冬 $78厚切牛舌芯煮得夠軟腍。食完天婦羅、串燒覺得湯底清清哋幾好。🥢鯊魚骨梅水晶 $58鯊魚軟骨同梅汁醃過，酸酸哋爽爽哋幾特別。加埋青瓜絲同紫菜幾清爽。🥢茶豆 $48比起一般枝豆更粉更甜。🥢海膽天婦羅 $168香港比較少食到。紫菜包住海膽再炸，外脆內軟，鮮味十足。🥢南非鮑魚
中環呢間居酒屋裝修偏向西式，但食物頗有日本當地風味。而且唔少菜式都係香港少見，鐘意試新嘢就啱晒！
🥢燒鳥組合 (雞蠔、雞上髀肉) $128
1️⃣雞蠔肉鹽燒2️⃣雞上髀肉汁燒3️⃣雞上髀肉 柚子胡椒
汁燒嘅雞上髀肉會比起柚子胡椒味好食，口感明顯更加軟嫩。但一食雞蠔肉就會覺得雞蠔肉比雞腿肉高太多個層次🤫。更加嫩滑有彈性，鹽燒都勁juicy🤩。
🥢豬腸 $32
彈牙略帶𡁻勁，醬汁香甜但仍然食到豬腸本身嘅味道同油香。一串完全唔夠食🤫。
🥢雞軟骨 $38
爽脆鹹香，不過呢個價錢份量有啲少🥲。
🥢白菌 $28
日式串燒比較少見嘅選擇～燒完依然juicy。
🥢海之盛天婦羅 $168
每份有一隻虎蝦、一隻蠔、一隻白身魚、兩件帆立貝，比起散叫抵食得多！麵衣薄薄一層，香脆乾爽。虎蝦彈牙鮮甜，好味到想encore🥰。
🥢牛湯烏冬 $78
厚切牛舌芯煮得夠軟腍。食完天婦羅、串燒覺得湯底清清哋幾好。
🥢鯊魚骨梅水晶 $58
鯊魚軟骨同梅汁醃過，酸酸哋爽爽哋幾特別。加埋青瓜絲同紫菜幾清爽。
🥢茶豆 $48
比起一般枝豆更粉更甜。
🥢海膽天婦羅 $168
香港比較少食到。紫菜包住海膽再炸，外脆內軟，鮮味十足。
🥢南非鮑魚 $118
燒得啱啱好，彈牙又唔會韌。
🥢野菜天婦羅 $78
睇餐牌係香港少見嘅野菜かき揚げ（雜菜天婦羅？）。可惜嚟到嘅係炸蕃薯、南瓜、冬菇。
🥥椰子雪糕 $98
去泰國旅行成日食。不過呢個更香更濃。
🍶君之井 山廢純米吟釀 300ml $338
味道純淨，偏向辛口。
📍KATANA by SAKEH (中環)
中環士丹頓街8號地舖
張貼
