影片
更多
2023-07-23
1339 瀏覽
有一個相識18年既朋友係咩感覺？就係我地相識當年出世既小朋友，今年都要成年了🥹係年華逝去既感覺🤣懷緬青春既一晚，接咗朋友收工就去咗Fashion Walk既黑門水產食飯，餐廳位置好近銅鑼灣donki，門口大大既招牌幾有霸氣😻尖沙咀店已經食過好幾次，樣樣野都好好食🤤今次新開係銅鑼灣，港島的人有口福了今次真係眼闊肚窄叫咗好多😛好彩都食得曬招牌菜甲羅燒，今次揀咗海膽蟹味噌，招牌動作燒之前會上嚟影下相打個卡佢地既甲羅燒真係世一，果陣鹹香蟹膏味真係好好食，真心我想配碗飯🍚極上大漁貝燒除咗燒大大隻元貝之外，仲有蝦海膽同三文魚籽一齊燒。真係不得不佩服火候燒得剛剛好，元貝唔會燒到韌曬，多款海鮮一齊燒味道好鮮甜呢個黑門令大漁魚子醬脆脆包次次都叫唔中佢，今次終於記得叫佢🤣朋友就可以男兒口大食四方，我就好狼狽啦🤣好彩大家識咁多年冇所謂啦😌一次過滿足你N個願望，吞拿魚蓉海膽三文魚籽飛魚籽再搭埋魚子醬！分開定夾埋都好好食朋友玻璃肚唔食生蠔🦪咁我就獨樂樂啦呢隻岩手縣赤崎生蠔依舊手板咁大隻🖐🏻上面既提子jelly簡直錦上添花，真係想食夠一打🥹朋友都唔寂寞，揀咗份黑門帆立貝伴魚子醬見佢一啖落口即刻爆咗句勁鮮甜🥹我都想
懷緬青春既一晚，接咗朋友收工就去咗Fashion Walk既黑門水產食飯，餐廳位置好近銅鑼灣donki，門口大大既招牌幾有霸氣😻
尖沙咀店已經食過好幾次，樣樣野都好好食🤤今次新開係銅鑼灣，港島的人有口福了
今次真係眼闊肚窄叫咗好多😛好彩都食得曬
招牌菜甲羅燒，今次揀咗海膽蟹味噌，招牌動作燒之前會上嚟影下相打個卡
佢地既甲羅燒真係世一，果陣鹹香蟹膏味真係好好食，真心我想配碗飯🍚
極上大漁貝燒除咗燒大大隻元貝之外，仲有蝦海膽同三文魚籽一齊燒。真係不得不佩服火候燒得剛剛好，元貝唔會燒到韌曬，多款海鮮一齊燒味道好鮮甜
呢個黑門令大漁魚子醬脆脆包次次都叫唔中佢，今次終於記得叫佢🤣
朋友就可以男兒口大食四方，我就好狼狽啦🤣好彩大家識咁多年冇所謂啦😌
一次過滿足你N個願望，吞拿魚蓉海膽三文魚籽飛魚籽再搭埋魚子醬！分開定夾埋都好好食
朋友玻璃肚唔食生蠔🦪咁我就獨樂樂啦
呢隻岩手縣赤崎生蠔依舊手板咁大隻🖐🏻上面既提子jelly簡直錦上添花，真係想食夠一打🥹
朋友都唔寂寞，揀咗份黑門帆立貝伴魚子醬
見佢一啖落口即刻爆咗句勁鮮甜🥹我都想食呀呀呀呀呀
刺身過後整啲熟食先！厚厚黑門令鰻魚漢堡由飯同大份玉子燒，配上大大件既燒鰻魚，好香口又夠滿足🤤
鮑魚刺身真係唔係到到都有，嚟黑門就食到！私心地專揀頭尾嚟食，係口感最脆最好食架😛
鮟鱇魚肝配埋酸甜既青檸jelly，唔好內臟既朋友都話唔錯，炙燒過既魚肝更加香口
柚子胡椒牛舌心上枱熱啦啦🔥好香好香好香
柚子胡椒既香辛味加埋洋蔥既甜香，牛舌軟糯唔韌，瞬間KO曬成蝶🤣
壓軸係我完全未食過既一夜干🐟😳我本身以為一夜干既酒嚟…..🤣
今次揀花魚試下先，味道鹹香，魚肉好紮實，朋友話其實就係日本鹹魚(喂！0尊囉🤣
配埋檸檬同蘿蔔蓉就可以中和下啲鹹味，唔錯唔錯
成餐飯食得好開心，每次侍應哥哥上菜都會介紹下每款菜式，最緊要係佢真係好幽默😂對於笑點奇低既我嚟講，簡直帶比我無限歡樂🤣氣氛勁正呀
張貼
