小時光 (已結業)

之前見朋友post 相上社交網站，一直都好想親身感受一吓！我地大概12點幾左右到，所以好好彩唔駛排隊，不過我見走的時候出面多左好多人，在工廠大廈等位都應該幾熱 入到去環境真的唔錯，裝修好有情調，有一種懷舊feel。舖面有好多漫畫書比客人睇之餘，佈置亦唔馬虎，好似一間縮細左的學校，好多細節都好值得去探索同影相留念。 食物方面，我點左個炸大豬排便當，豬排味道幾好味，可惜有D炸唔熟，見到紅，飯都唔太夠熱 飲品有玫瑰拿鐵，有好香的玫瑰味，好好飲。不過配餐飲果兩塊餅"林"左，算是美中不足....朋友另外點左個凍檸檬冬瓜茶，味道亦好好，酸酸甜甜有D似酸梅湯，但係D冰好快融，如果再凍D就perfect了。