酒屋一杯喜

營業中

休息中

朋友介紹的這間居酒屋，氛圍一流，好似去咗真嘅日本居酒屋咁，適合朋友聚餐。餐廳出咗新菜單，相當吸引，我同朋友都叫了幾款試吓。青瓜長片明太子小龍蝦沙律青瓜片嘅清爽配明太子嘅鹹鮮，加上小龍蝦肉嘅彈牙，好開胃！ 唐揚池魚仔炸到金黃酥脆嘅池魚仔，連骨食埋，送酒一流。 吞拿魚腦天刺身 腦天部位稀少又嫩滑，輕輕炙燒，油脂甘香出晒黎，正！ 油甘魚刺身油甘魚肥美鮮甜，切得厚薄適中。忌廉芝士鰻魚卷忌廉芝士嘅濃郁同鰻魚嘅香甜，加上柚子胡椒，平衡得幾好，唔會太膩，值得一試。 雞腳筋來居酒屋又點可以唔食串燒，雞腳筋呢個少見嘅部位燒到爽脆有嚼勁，調味應該係鹽燒為主，突出原味。 軟骨豚肉丸勁多豬軟骨響粒肉丸入邊，鍾意食豬軟骨嘅人必點。流心蛋芝士大啡菇邪惡之選！切開蛋汁同芝士爆漿，大啡菇多汁，口感對比強烈，超滿足。 鴨喜（鹽味鴨肉拉麵）湯底清甜唔油膩，鴨胸肉嫩滑，拉麵爽彈。