The Optimist

營業中

休息中

首先服務真係同餐廳格調唔成正比，晚巿時段入去，reception居然冇人企喺到，之後一口氣嚟3個人招呼，有啲雞手鴨腳，再加上最尾個 receptionist都係冇乜禮貌（其實佢打電話嚟啲語氣都差唔多），未坐低已經想扣分。之後有個經理埋嚟主動介紹餐牌同 signature dish，算係幾貼心加返分。其後服務都算正常。之後講菜色，叫咗 broken eggs, lobster rice, rib eye, suckling pig, fries 。佢個 lobster rice明明話要30分鐘準備，點知15分鐘左右就同塊牛扒一齊嚟，有啲驚訝。食落感覺個汁煮得太浠，飯索唔哂龍蝦汁有啲浪費，個蝦就正常鮮味。牛扒合格。Broken eggs算係有啲特色。乳豬就焗得幾好，仲好有油香，送酒一流。另外講一講餐廳環境，裝修好有格調，好適合傾計。上落樓梯比較窄同有啲暗位，行慢兩步好啲。另外冷氣太凍，已經坐遠風口位，食物依然凍得好快，影響咗味道。