影片
更多
2009-02-24
157 瀏覽
23-2-2009由於呢度行會員制, 自己根本無可能上到0黎, 呢日都係跟埋0黎大局先有機會0黎食飯:- 雙梨鮮角螺燉鵪鶉湯: 少少杰 (煲溶了的雪耳?), 味道清甜, 有 d 似屋企會煲的響螺雞湯, 感覺「家常」得很, 但呢個就更夠火喉, 正! 食友們就連湯渣都唔放過, 哈哈.- 蟹肉炒桂花翅: 即碎翅 + 芽菜 + 蟹肉 + 金華火腿絲+ 蛋炒, 乾身清淡, 帶點蛋香, 都幾好食.- 嶺南一口牛肉: 好似係呢度招牌之一, 亦係成晚最好食的一碟 -- 牛柳粒果然一啖一粒, 食落好腍, 肉味一般, 但配上酸酸甜甜又帶點酒味的汁, 十分好食; 配角 honey-gkazed walnuts 就慘遭放棄. - 五秀素炒: 有白果, 百合, 荷蘭豆, 西芹, 蓮藕, 腰果及片片紅蘿蔔, 清新之選, 最欣賞百合粉粉甜甜, 又最唔欣賞白果粉軟但苦澀.- 煎釀鯪魚: 食了條尾, 炸得極脆,「肉」部分幾「粗糙」, 相信幾足料, 不過味道淡淡的, 整體普通. 又係0個句 --都係蓮香樓的 (http://www.openrice.com/restaurant/commentdetail
由於呢度行會員制, 自己根本無可能上到0黎, 呢日都係跟埋0黎大局先有機會0黎食飯:
- 雙梨鮮角螺燉鵪鶉湯: 少少杰 (煲溶了的雪耳?), 味道清甜, 有 d 似屋企會煲的響螺雞湯, 感覺「家常」得很, 但呢個就更夠火喉, 正! 食友們就連湯渣都唔放過, 哈哈.
- 蟹肉炒桂花翅: 即碎翅 + 芽菜 + 蟹肉 + 金華火腿絲+ 蛋炒, 乾身清淡, 帶點蛋香, 都幾好食.
- 嶺南一口牛肉: 好似係呢度招牌之一, 亦係成晚最好食的一碟 -- 牛柳粒果然一啖一粒, 食落好腍, 肉味一般, 但配上酸酸甜甜又帶點酒味的汁, 十分好食; 配角 honey-gkazed walnuts 就慘遭放棄.
- 五秀素炒: 有白果, 百合, 荷蘭豆, 西芹, 蓮藕, 腰果及片片紅蘿蔔, 清新之選, 最欣賞百合粉粉甜甜, 又最唔欣賞白果粉軟但苦澀.
- 煎釀鯪魚: 食了條尾, 炸得極脆,「肉」部分幾「粗糙」, 相信幾足料, 不過味道淡淡的, 整體普通. 又係0個句 --都係蓮香樓的 (http://www.openrice.com/restaurant/commentdetail.htm?commentid=1934224) 好食 d.
- 清湯爽腩煲: 大家主攻「面頭0個 d」i.e. 白色一塊塊0個 d 筋膜, 又真係好爽口的, 不過我更欣賞連住點肥膏的, 又香又軟熟, 正! 亦當然唔會錯過湯底, 清甜又好香, 正; 另外仲有墊底的蘿白, 腍身得似節瓜, 清甜無渣, 好食.
- 八寶鴨: 釀入的餡料都係蓮子, 鹹蛋黃之類, 比起蓮香樓的, 呢隻鴨無咁肥, 食落又好似無咁膩, 但味道亦較淡口, 都係0個邊的出品較0岩食.
- 菠蘿咕嚕肉: 一向喜歡酸大過甜的「咕嚕」汁, 呢度的的確係, 不過未食已聞到幾「也母」鼻的「醋」味, 酸味太嗆了; 肉亦唔脆, 呢碟麻麻0地, 都係得龍的 (http://www.openrice.com/restaurant/commentdetail.htm?commentid=1912441) 較好食. 而席間食友們亦提及陸羽的生炒骨, 唔知幾時有機會試試0個邊的出品?
- 竹笙扒豆腐: 又一清淡之選, 不過食0左都唔係好記得...
- 臘味煲仔飯: 只食了潤腸, 臘腸及飯.... 乾身飯底粒粒分明, 索晒臘味的油及香味, 好食! 潤腸臘腸都不錯, 不過個人偏好脆皮潤腸 (e.g. 蛇店的: http://www.openrice.com/restaurant/commentdetail.htm?commentid=1875928), 呢度的就滿足唔到我了.
- 蛋白杏仁茶加湯丸: 其實我唔食杏仁味的糖水, 不過一場0黎到, 試埋吧. 呢度的杏味點到即止, 不過質地太杰又太糊口, 太多粉? 麻蓉湯丸就皮薄煙韌軟熟, 較糖水底好.
環境幾好坐, 不過愈坐愈焗, 食到最後差點(目訓)著; 阿姐態度麻麻, 不過成百人霸了人0地全層, 多得我0地唔少了 , 算啦.
由於近一年食了唔少同類古法菜色, 一路食一路不自覺同其他地方比較 整體雖然覺得美中不足, 但能夠成為呢餐飯的百幾份之一, 又幾難得的.
多謝食友 I 的安排!
張貼
