番本日式放題 (已結業)

近排好好胃口 密密食日式放題今次二人同行黎呢間openrice上好評尤高既番本！我地未到訂枱時間已經到左 個場好大 佔左成層 因為人太多既關係 店員要開始嗌無預約既食客稍移玉步到女人街既分店...當然book左枱既客人就無受影響喇落單紙分類圈曬係到 要邊張自己拎 每張枱都有個爐仔 俾客人嗌蒸氣火煱個陣用 好鍾意個藤蓋 好有異國風情第一次食放題配備蒸氣火煱 感覺好新鮮！我地叫左少少海鮮同菜玩下咁呢到既飲品種類多 照顧到唔同類別既人 熱飲區全部都係養生飲品 放題食咁多熱氣野飲返杯蔗茅根正呀！野食質素方面唔錯 比起食物我更鍾意店員既態度 速度快外 而且佢做到真係關心客人 例如時時幫客人斟茶 清理碟上既垃圾 主動加蒸氣火煱既水等等 係佢地忙到踢曬腳既情況下仲可以做到呢d細微位 作為客人既我覺得好窩心