影片
更多
2019-01-07
392 瀏覽
食過炯記荃灣分店，覺得唔錯，今日經過銅鑼灣見到有分店，就入咗去試吓。點知就中晒伏首先，因為我係夜晚九點半後入座，喺門口見到有宵夜套餐，覺得價錢唔錯。如圖所見，宵夜套餐上面嘅圖片同平時食開嘅正餐份量一樣，價錢就大概平左$10左右。第一個中伏位就係，唔記得咗睇右下角嘅圖片只供參考。我地叫左手撕雞撈粗同埋豬手撈粗。圖片上面手撕雞有一整碟，真實嘅情況係，上到嚟只係喺粗面上面有幾塊雞絲。而豬手撈粗喺圖片度係有三舊，現實係只係得兩舊雖然話圖片只供參考，但係望住由三舊變兩舊，一碟變幾條，心情真係唔係咁好。如果佢話俾我知個份量唔係正價份量，寫明係細份d，咁我一定會叫正價嘅手撕雞撈粗（好似$5x)，因為雞嘅份量真係爭好遠。正所謂，有得揀先至係老闆。佢咁樣我覺得有少少欺騙左我弱小嘅心靈。講完佢張圖點樣呃我之後，就去返食物質素。我哋嗌左佢哋嘅招牌例湯，但係我飲得出有好大陣煲窿左嘅味。我諗呢一個係一個意外，因為平時喺荃灣飲係真係幾好飲嘅，雖然佢今日煲窿左，但係都飲得出佢原本應該同荃灣嘅味道差唔多。手撕雞嘅質素，就不過不失，都維持到標準嘅，係分量少咗啲啫。喺豬手方面，就拍馬都追唔上荃灣。可能比較夜或者係遊客區，
首先，因為我係夜晚九點半後入座，喺門口見到有宵夜套餐，覺得價錢唔錯。
如圖所見，宵夜套餐上面嘅圖片同平時食開嘅正餐份量一樣，價錢就大概平左$10左右。
第一個中伏位就係，唔記得咗睇右下角嘅圖片只供參考。我地叫左手撕雞撈粗同埋豬手撈粗。圖片上面手撕雞有一整碟，真實嘅情況係，上到嚟只係喺粗面上面有幾塊雞絲。而豬手撈粗喺圖片度係有三舊，現實係只係得兩舊
雖然話圖片只供參考，但係望住由三舊變兩舊，一碟變幾條，心情真係唔係咁好。
如果佢話俾我知個份量唔係正價份量，寫明係細份d，咁我一定會叫正價嘅手撕雞撈粗（好似$5x)，因為雞嘅份量真係爭好遠。
正所謂，有得揀先至係老闆。佢咁樣我覺得有少少欺騙左我弱小嘅心靈。
講完佢張圖點樣呃我之後，就去返食物質素。我哋嗌左佢哋嘅招牌例湯，但係我飲得出有好大陣煲窿左嘅味。我諗呢一個係一個意外，因為平時喺荃灣飲係真係幾好飲嘅，雖然佢今日煲窿左，但係都飲得出佢原本應該同荃灣嘅味道差唔多。
手撕雞嘅質素，就不過不失，都維持到標準嘅，係分量少咗啲啫。
喺豬手方面，就拍馬都追唔上荃灣。可能比較夜或者係遊客區，佢啲豬手一啲都唔入味，唔建議喺依間分店叫。
講到去最經典嘅撈粗，沒有比較就沒有失望，首先味比較淡，完全冇油香味，又乾爭爭，同荃灣嗰間分店好似爭10條街咁。所以我哋最後都食剩好多嘢，浪費晒
不過值得安慰嘅係，最後俾錢嗰陣時，我有同個姐姐反映個湯煲窿左，個姐姐都好願意接受意見，叫我下次同佢地講返，可以取消翻個湯喎。不過我下次都好大機會唔會再幫襯依間分店，都係去返荃灣啦！
環境方面呢一間比荃灣嗰間係真係好坐啲嘅，而且喺銅鑼灣，地點就腳好多。
張貼
