棋哥燒鵝 X 炯記餐室 (已結業)

叉燒煎蛋飯 💰4️⃣0️⃣叉燒半肥瘦，一啲都唔“鞋”口煙燻燒鵝飯 💰4️⃣3️⃣燒鵝脾下午茶都有得食😆食得出燒鵝皮係有煙燻味除咗有燒味食仲有其他加配小食，其他分店未必有，燒味配飯之外仲可配撈麵兩款都唔岩食仲有推介😝就係。。。。腸粉拼鹽焗手撕雞 💰4️⃣0️⃣腸粉好大碟又夠滑👍鹽焗手撕雞都幾滑仲好入味下午茶餐時間2：30pm-6pm🎈棋哥燒鵝 X 炯記餐室🎈銅鑼灣謝斐道483-499號新城大廈地下G及H號舖

之前在荃灣玩看到這家店，又發現銅鑼灣也有，週末想去試試撈麵，結果問了一下服務員都是鵝油，我不吃，就選擇了燒臘飯，叉燒味道一般，圓蹄也不算特別好吃，豬手算不錯，還點了腸粉，如果醬再多一點就好了

外賣半隻燒鵝，等緊取時同收銀員講想跟1個薑蓉，佢竟然話要收$5，冇諗過買半隻燒鵝想跟個薑蓉竟然要收錢，即使要收$1/$2都可以接受，收$5太離譜了吧，我即時反應同佢講咁即係叫我下次唔好幫襯，佢話公司規矩冇辦法！之後冇再理我！睇返張單嗰位收銀員係店長，這些公司規矩加上這些態度，真係趕客！

途經銅鑼灣謝斐道的棋哥X 炯記店，不得不停下來買了兩個燒味飯盒回家享用。這店的外賣選擇頗多，除了傳統的乳豬叉燒、油雞、燒鵝、燒鴨、燒腩仔和切雞等等外，還有較少有的手撕雞、豬手和海蜇燻蹄。每個燒味飯還可選例湯或汽水。最後我貪心些，選了兩個雙拼飯，真意想不到的，七喜是罐裝汽水，正合我意。～叉燒燻蹄飯醬皇叉燒非常入味，肉質腍又不肥膩，味道討人。配上白飯來吃是最好不過。燻蹄肥瘦分明，咬口爽脆，沾上附上的酸醋來吃，頗為醒胃。～燒腩仔燒鴨飯燒腩仔肥瘦分明，肉質不韌，部分腩仔的皮燒得脆口。燒鴨果然有一股煙燻味，皮薄肉厚，沾上酸梅醬來吃，非常惹味。

平時都有食開呢間，佢哋嘅手撕雞又真係好食嘅，鹽焗雞同麻辣都好食！都嫩、滑～我鍾意佢麻辣嘅味道啱啱好～ 冇得選辣度，我自己食開譚仔三小辣，我食唔到中辣，所以呢個麻辣手撕雞唔算好辣，可以接受的，除非完全唔食得辣嘅人啦！今次未試過佢個麻辣手撕雞腸粉咁加埋原來都幾襯嘅、（如果食下午茶）可惜啲醬汁唔係好多、但因為唔敢再問啲員工加汁，態度太差😂我朋友問呢碟咩嚟㗎？嗰個阿姐即刻話自己睇啦！然後坐低咗我哋兩個人佢就比一杯水，朋友問一個男人員工佢攞多杯水，個男人就炆憎🤣我試過order一份外賣，因為戴住口罩，佢聽咗兩份後來我先至知佢係幫我order左兩份即刻同佢講話要改，員工都即刻好火滾，🤪大佬好彩我同你講咋如果唔係你出到嚟仲衰啦！都唔知啲員工做咩咁問係咪冇假放啊？係咪扣咗人工？🤭我對態度唔好冇乜所謂因為香港好多地方都態度好差同埋茶餐廳幾十蚊想點？咁佢外賣都好平$40咋嘛！仲有個湯添！堂食就$48、有個湯，嘢飲另外加幾妏，但朋友就話冇第二次啦，（佢都係比我介紹過嚟嘅）佢話入來好似受氣咁，想攞支牙籤都唔夠膽了😂😂😂之前我用OpenRice訂佢哋個菜平一蚊😂冬菇加菜、$19都幾好呀有得食下菜～

尋日行過見棋哥撈麵諗住試吓都唔知係天氣凍定冷氣凍，肥鵝都算麵都係凍到一餅，啲阿姐淨係吹水四川雞腳啲味好奇怪結果無食，本來見棋哥都好有信心點知比果間炯撈麵攪到以後唔想再食。

一向都好鍾意食棋哥。特別呢一間有用鵝油做撈粗嘅，更加喜歡！不過問題在於，次次食啲鵝都係凍嘅。而且鵝油撈粗，唔知點解成日整到一嚿嚿。不過如果由嗰碟燒鵝，倒啲鵝油去碟撈粗之後，成碟撈粗就會更加好食😋都係咁講，燒鵝茶餐廳嚟計，佢算係唔差! (重複：我冇話包埋專做燒鵝嗰啲出名茶樓，酒家，燒臘檔。😝😁）

話咗好多次要去食棋哥燒鵝，點知媽咪每次都話貴，結果都未有機會帶佢去食╮(￣▽￣"")╭今日終於有機會，結果半推半就帶咗媽咪去食棋哥燒鵝！銅鑼灣有兩間棋哥，但係一定要呢一間先至好食😋自從上次食過佢哋嘅撈麵，我就對佢念念不忘。今次終於有機會再食過！媽咪叫咗燒鵝飯，我就叫咗乳豬併燒鵝撈麵(要加$4)。送例湯(紅蘿蔔粟米湯)，我就追加一杯凍檸檬茶(+$5)。個例湯咸到爆，我同媽咪講咗兩啖就停咗手。個撈麵水準依然，食落去個口感唔會好乾憎憎。燒鵝好新鮮，有炭火味，個皮係脆嘅，好正。不過個乳豬就好令人失望，個皮係𣺉嘅，完全唔好食。媽咪都話佢個燒鵝飯非常之正！佢好少讚嘢食( ´▽` )ﾉ我下次都會再食撈麵，試吓叉燒燒鵝撈。

平日午餐嘅時候去咗棋哥食燒鵝飯，雖然好似好多食客，但係因為上菜時間同埋用餐時間相對快，唔需要等好耐就有位。佢哋嘅燒鵝高質就係人都知，燒鵝皮非常之脆，燒到色澤均勻有光澤嘅同時，油份控制得好好，唔會覺得油膩。鵝肉肥瘦均勻適中，鵝味濃郁。美中不足嘅係伴碟嘅菜唔算太多😅 大概一條菜心。。。

見到銅鑼灣新開左一間燒味店餐廳，其實我個人麻麻哋燒味，不過見呢間餐廳裝修咁新淨，望落整潔，又好耐都冇食個中式燒味，就決定試一試！店舖都算幾大，但係座位與座位之間嘅間隔距離有點近，行出行入容易撞到枱，加上加左間隔防疫，顯得座位相當逼夾。坐低左之後，見到佢哋餐牌上面嘅相片，鵝油撈麵系列好似好吸引，於是我就叫左琪哥叉燒撈粗，$53 配例湯，燒味來講價錢還可以。叉燒肥瘦適中，肉質有少少偏乾，表面有蜜汁味，有一兩舊表面燒燶咗，不過唔影響味道。撈麵份量都算多，少少鵝油香味，少少鹼水味，配叉燒幾夾。整體還可以。如果下次會再嚟嘅話，會想試吓佢哋嘅燒鵝。

手機app 優惠揀到棋哥桂香雞飯，上午11am 取時首先擔心預先弄好飯盒不夠暖不好吃，原來即叫即制夠暖新鮮。然後擔心優惠價好細份，打開飯盒見到份量和正常一樣，雞肉夠滑身嫩口，飲也滲入雞香，薑蔥好惹味。

頭先買個外賣，鵝油撈粗無鵝油味！只有梘水味！諗住打返落去問下會唔會唔記得左落呀？個呀姐問都唔洗問廚房，就即刻答我唔會，一定撈左鵝油！勁👍🏻其實我係成日食架，貪佢好香好好食，但今次係真係無味！拎返落去比佢試，個個員工都有話鵝油味，仲話我個標準同佢地唔同👏🏻👏🏻（我無食過就話啫，食過梗係知你碗野嘅標準啦下話）然後問我想點，我話取消退錢，唔比退。一係換過盒比我（換完都係一樣我換黎做咩）咁你問我想點？真心唔會再幫襯👎🏻啲呀姐態度勁差，顧客永遠是錯的。

今日去CWB行街街，突然諗起食鵝油撈麵。很久以前都知道有間，但一直都未有機會試試所以就。。。今天人流都不算太多，所以大把位坐。我們點了一個二人套餐，燒鵝例牌，肥叉，瀨粉和鵝油撈麵嚟到緊係要食燒鵝啦😂燒鵝不太肥不太瘦，一咬落去非常多肉汁肥叉又不會太柴鵝油撈麵，陣陣鵝油汁掛在麵上，麵質又不會太韌，最可惜就是帶點鹼水味，應該是啲麵質問題這個套餐都算抵食，環境和服務質素都可以接受美中不足就是鹼水麵，有待改善

Lunch Time食乜好？每一日嘅lunch Time最煩惱就係食啲咩，成班同事話想食燒味，於是就黎到呢間試吓，聽聞好出名，又睇吓係咪真係咁好食！我叫咗個叉雞鵝油撈麵，真心唔錯喎！價錢唔算平，但係都算值嘅！叉燒燒得好入味，甜得黎又唔會over左，而且保持到肉汁，食完之後好回味！切雞就正正常常，比其他舖香d，肉質又唔會乾淨淨鵝油撈麵先係重點！本來嘅我已經鍾意食撈麵，小小咸，加咗鵝油之後味道香濃好多，雖然好邪惡，但係真係幾好食！

本人本身都中意食燒味同撈麵，咁岩見到有間棋哥燒鵝 X 炯記餐室就決定入去食。叫得棋哥燒鵝咁d燒鵝應該好正，不過近期皮膚好伕#有小小敏感，所以唯有放棄食燒鵝我地叫左一個一人餐同一個散叫諗住share食。一人餐有雙拼(我地要左叉燒拼油雞)、時菜、白飯/太子鵝油撈麵、湯/飲品(要左飲品)。本身以為雙拼每樣會得個少少，不過原來份量都多架喎。叉燒超級juicy，隻雞亦都非常入味，d花生仲好脆口添。散叫就叫左個單拼燒肉，真係好好食，佢個皮好脆，脆到好似食薯片咁"卡卡"聲。我地兩個都要左撈麵，果然係鵝油撈麵，個麵好香，我地個麵仲要快過d餸食完差d想叫多碗。雖然我地唔點同服務員有接觸，不過咁岩要攞水同加水都叫左同一位阿姐，而兩次阿姐都黑面加反我地白眼，個時仲唔係好忙/好多人，唔知我地係唔係得罪左佢，可能間餐廳唔比要水