影片
更多
2019-04-22
73 瀏覽
自己對漢堡包有一種情意結。細細個既時候，已經好鍾意食一間漢堡包既連鎖店，一個月可以食到一次已經感到極大既滿足。記得兒時只有默書，測驗，或者考試拿高分先有機會食得到，大大杯既可樂，右手拿著一個厚厚既巨無霸，左手再去拿薯條醮茄汁，那份快感絕對比男人的浪漫既豆腐火腩飯更加男人！呢一日，我既漢堡慾又再湧現，所以就去佐我既成人後最愛 – Burgeroom。餐廳位於美麗華商場，方便易找。從門外已可見那份美式漢堡店既設計，和大大個burger 宣傳牌向你揮手。平日時間晚上6:45到達，客人未算多，座位任選。 (但大約7:30已經坐滿了人，畢竟香港人上班要OT 就是常識，要約人食飯 7:30後集合是基本吧。)餐牌都幾大塊，最平既burger $75已經有交易，但最貴既雙鵝肝軟殼蟹漢堡則要索價 $268，不竟鵝肝係貴價食材，仲要打孖上，呢個價錢都算合理。Order要自己去櫃面處理，但正正因為係自己處理，所以餐廳免加一，慳番 $20都咪話唔正。Order之後，店員就會俾一個machine我，找個位置再放在枱面既特定位置，connected！ 然後就可以等食。Kiwifruit Juice $38首先來到
細細個既時候，已經好鍾意食一間漢堡包既連鎖店，一個月可以食到一次已經感到極大既滿足。
記得兒時只有默書，測驗，或者考試拿高分先有機會食得到，大大杯既可樂，右手拿著一個厚厚既巨無霸，左手再去拿薯條醮茄汁，那份快感絕對比男人的浪漫既豆腐火腩飯更加男人！
呢一日，我既漢堡慾又再湧現，所以就去佐我既成人後最愛 – Burgeroom。
餐廳位於美麗華商場，方便易找。
從門外已可見那份美式漢堡店既設計，和大大個burger 宣傳牌向你揮手。
平日時間晚上6:45到達，客人未算多，座位任選。 (但大約7:30已經坐滿了人，畢竟香港人上班要OT 就是常識，要約人食飯 7:30後集合是基本吧。)
餐牌都幾大塊，最平既burger $75已經有交易，但最貴既雙鵝肝軟殼蟹漢堡則要索價 $268，不竟鵝肝係貴價食材，仲要打孖上，呢個價錢都算合理。
Order要自己去櫃面處理，但正正因為係自己處理，所以餐廳免加一，慳番 $20都咪話唔正。
Order之後，店員就會俾一個machine我，找個位置再放在枱面既特定位置，connected！ 然後就可以等食。
Kiwifruit Juice $38
首先來到既係飲品，奇異果汁超大杯，而且極濃，濃郁程度帶有creamy既感覺，酸甜度既balance做得好好，好好味，平時burger配汽水就比較多，今次配kiwi Juice 絕對健康十倍。
Guacamole Cheese Fries $62
本身所以食物都係散叫既，包括薯條，但食得burger 點可以無包fries 配搭？ 所以我就order佐個牛油果醬芝士薯條。
牛油果醬好杰咁放在薯條既面層，再配上大量既芝士醬，減肥之人如果見到或者食到呢碟薯條絕對會叫救命，因為呢個邪惡程度同埋難以抗拒程度絕對爆登。
食落芝士味濃厚，沾在薯條上有掛杯感，個人喜歡再加上茄汁，實行要放縱就放縱到極限，甚麼減肥肚腩大等等問題還是明天再想吧。
Double Decker + Fried Egg $148
主打既burger我就揀佐雙層牛肉芝士漢堡 ($138) ，另外再加多塊煎蛋 ($10)。
唔記得幾時喺香港食過一間餐廳既burger加佐煎蛋，從此就愛上佐，今次見到只需加 $10，當然要食。
由於雙層牛肉漢堡本身已經大大份，我仲要加埋煎蛋，所以廚師都特別將面層既漢堡包分開，方便食用。
特別喜歡佢地用既漢堡包十分高質，包身鬆脆食落真係有「 sharp sharp 」聲，而內層好似塗上了牛油，不加全何餡料都已經好好味。
佢地既牛肉非常厚身，medium 既熟度帶來既 juicy 感真係唔講得笑，咬落去D肉汁好似噴泉感 「bla」出黎，而我今次仲要係有兩塊厚牛，即係兩個噴泉咁樣「bla」，那份滿足感，真係非筆墨所能形容。
而牛肉與牛肉之間再加入了半溶既車打芝士，加埋蕃茄同埋生菜，每一口咬落去既滿足感真係猶如年頭收到公司派bonus 張支票一樣興奮。
雖然已經無黎一排 (大約 半年無食？)，但係佢地既水準仍然保持高企，難怪市場多佐咁多間唔同既漢堡包店，但係佢地都Keep住咁多人幫襯啦。
張貼
