影片
更多
2019-07-04
141 瀏覽
喺又一城睇戲時聽到隔離位情侶話幾好食，即刻趁未到食飯時間去一次！去到先知J.S. Foodies原來係Flipper’s姐妹店，Flipper’s本店應該好多人都食過（仲可以睇睇我篇食評）不過呢間更加出色一般餐廳都要開一排先有穩定嘅出品，今次嚟得好啱。係出面等咗二十分鐘左右就有位，以四點幾五點嘅下午茶時間嚟講唔算耐因為呢度食都幾heavy，想直接當係晚餐，就嗌咗三樣嘢黑松露忌廉意粉、煙肉蛋漢堡、原味班戟先講下每一樣嘢上到嚟都會有嘅感想：料足、份量超級大，兩位女士點兩份主食一定太多黑松露忌廉意粉第一樣上嘅就係意粉啦！唔單止碟大，份量都大；蘑菇嘅量多到可以啖啖都有忌廉都超多，食完意粉都仲有一埋係碟底講埋味道啦！黑松露香氣好足，一擺底就聞到；忌廉好滑，有奶香，配合返偏硬嘅意粉，口感豐富，味道剛好唔會太重。有啲似返係意大利食到嘅味道！煙肉蛋漢堡一樣係超大份薯條係粗身嘅，新鮮炸起熱辣辣，每條都夠脆；粗薯多數無灑鹽，靠原材料靚先有香味，炸得非常好茄汁係一般買返嚟嘅，無咩好講個煙肉蛋漢堡嘅料多到瀉出嚟包夠外脆內軟，唔會乾爭爭；裡面有生菜、炒洋蔥、煙肉、太陽蛋、漢堡扒生菜鮮甜無苦味、炒洋蔥加上醬汁酸酸
去到先知J.S. Foodies原來係Flipper’s姐妹店，Flipper’s本店應該好多人都食過（仲可以睇睇我篇食評）
不過呢間更加出色
一般餐廳都要開一排先有穩定嘅出品，今次嚟得好啱。
係出面等咗二十分鐘左右就有位，以四點幾五點嘅下午茶時間嚟講唔算耐
因為呢度食都幾heavy，想直接當係晚餐，就嗌咗三樣嘢
黑松露忌廉意粉、煙肉蛋漢堡、原味班戟
先講下每一樣嘢上到嚟都會有嘅感想：
料足、份量超級大，兩位女士點兩份主食一定太多
黑松露忌廉意粉
第一樣上嘅就係意粉啦！唔單止碟大，份量都大；
蘑菇嘅量多到可以啖啖都有
忌廉都超多，食完意粉都仲有一埋係碟底
講埋味道啦！
黑松露香氣好足，一擺底就聞到；
忌廉好滑，有奶香，配合返偏硬嘅意粉，口感豐富，味道剛好唔會太重。
有啲似返係意大利食到嘅味道！
煙肉蛋漢堡
一樣係超大份
薯條係粗身嘅，新鮮炸起熱辣辣，每條都夠脆；
粗薯多數無灑鹽，靠原材料靚先有香味，炸得非常好
茄汁係一般買返嚟嘅，無咩好講
個煙肉蛋漢堡嘅料多到瀉出嚟
包夠外脆內軟，唔會乾爭爭；
裡面有生菜、炒洋蔥、煙肉、太陽蛋、漢堡扒
生菜鮮甜無苦味、炒洋蔥加上醬汁酸酸地，兩樣蔬菜都中和咗呢個主食多油多肉嘅油膩感；
煙肉煎到脆脆地，口感好好，又唔會太油；
漢堡扒勁厚身（原諒我張相影得太怪睇唔到），熟得啱好，咬落仲有啲肉汁；
點晴之筆就係太陽蛋啦！一切開，蛋黃流曬出嚟，要記得刮返嚟食呀🤣太陽蛋同漢堡扒有幾夾，都唔需要多講啦！
最後就係士多啤梨藍莓香蕉班戟
Flipper’s 本家Pancake 都食過，都好食，但估唔到呢個簡直係驚豔！超級出色！
Waiter一放佢上嚟，我哋忍唔住一齊大叫「哇勁香」
睇相都睇到，質地creamy得嚟好輕盈，皮雖然皺皺地，但整體保持到入口即溶嘅口感；同時蛋味奶味平衡，兩種都好突出！甜度適中，就算本來唔係甜食控都一樣會鍾意！
Pancake本身唔太甜嘅原因應該係因為仲要夾Cream，cream唔係支裝挺身勁甜嗰種，反而係淡淡甜味！兩樣相配合真係錦上添花
三款水果平時都係糖分高嘅，但今次全部唔偏甜，甚至士多啤梨有少少酸，我就唔係太鍾意啦！
但隔離枱嘅男士話「生果酸酸地，食完咁多嘢再食可以消滯，仲好」又幾有道理喎
張貼
