大瀛喜日本料理 (已結業)

放題成日食開銅鑼灣,見LEE間新開冇耐又多好評諗住去試下冇死啦,早1日打電話問清楚有2節時間0630-0830pm&0845-1145pm,如果6半前入座就$188,好啦於是book左6點食。點知當日食既時候派左張卡仔寫住6-8pm已經覺得奇怪,明明打電話book枱時講好左係食到8半,之後問職員時雖然肯改返8半俾我,但感覺上就態度麻麻地覺得我地係到呃佢咁。講返食物,刺身普普通通冇乜特別,3文魚ok,但甜蝦有啲細隻,貝柱就直情怪怪地味而且唔係幾新鮮。天婦羅就幾好食,上枱時幾熱,蟹籽沙律細細碟,而且不錯。另外唯1抵讚既係甜品種類頗多,意式奶凍同3.6牛乳奶凍好好食,食完忍唔住叫多2個再食。整體黎講係旺角黎講既放題算係咁,但係有得選擇既情況下唔會再食,因為真係比想像中差,都唔明點解會有咁多好評。