影片
更多
2023-02-12
171 瀏覽
冇日本旅行去不如獎勵自己食返餐貴價Omakase，當自己去咗日本啦見到玄鮨價錢比平時嘅omakase 進取，dinner 要2500一位，但上網睇評價都好好，用料都新鮮，亦都多野食啲，所以就放縱一下啦。Omakase(dinner)$2500一位（雖然唔會次次一樣，但都俾大家參考下啦）坐低熱茶熱毛巾好快就有個前菜上左前菜四點一碟放上左4款小食-A5和牛包洋蔥，油脂滿滿，配上洋蔥加左啲味-日本高糖蕃茄，細細舊，但有甜味，清新-鮟康魚肝，一啲都唔腥-松葉蟹肉＋蟹膏豆腐，蟹味濃，蟹膏豆腐都較少見同特別刺身-赤穗蠔，配上左土佐醋啫喱＋少少辣椒蘿蔔，赤穗蠔偏爽身，面既土佐醋啫喱都令蠔既層次口感上升。-赤貝，新鮮赤貝經拍打口感更豐富爽水，面有啲高山藍莓醬，好食-象拔蚌，已切好左一條條方便食用，加左柚子汁、檸檬鹽，味道清甜-金目鯛，經火炙既金目鯛，逼左啲油鮨出黎，更鮮，配上左紅莓醬，減少油膩感-劍魚腩，今次用醬漬手法，油份豐富又邪惡，又夠濃味，一流，配上左紅莓醬、無花果醬，醬油-火炙大腹藍鰭吞拿魚，好肥美，油鮨滿滿，廚師處理時係旁邊𠝹過燒過，亦令到口感上升，配上少少日本京蔥碎，提升清新感立食-金鯛立
不如獎勵自己食返餐貴價Omakase，當自己去咗日本啦
見到玄鮨價錢比平時嘅omakase 進取，dinner 要2500一位，但上網睇評價都好好，用料都新鮮，亦都多野食啲，所以就放縱一下啦。
Omakase(dinner)$2500一位（雖然唔會次次一樣，但都俾大家參考下啦）
坐低熱茶熱毛巾
好快就有個前菜上左
前菜四點
一碟放上左4款小食
-A5和牛包洋蔥，油脂滿滿，配上洋蔥加左啲味
-日本高糖蕃茄，細細舊，但有甜味，清新
-鮟康魚肝，一啲都唔腥
-松葉蟹肉＋蟹膏豆腐，蟹味濃，蟹膏豆腐都較少見同特別
刺身
-赤穗蠔，配上左土佐醋啫喱＋少少辣椒蘿蔔，赤穗蠔偏爽身，面既土佐醋啫喱都令蠔既層次口感上升。
-赤貝，新鮮赤貝經拍打口感更豐富爽水，面有啲高山藍莓醬，好食
-象拔蚌，已切好左一條條方便食用，加左柚子汁、檸檬鹽，味道清甜
-金目鯛，經火炙既金目鯛，逼左啲油鮨出黎，更鮮，配上左紅莓醬，減少油膩感
-劍魚腩，今次用醬漬手法，油份豐富又邪惡，又夠濃味，一流，配上左紅莓醬、無花果醬，醬油
-火炙大腹藍鰭吞拿魚，好肥美，油鮨滿滿，廚師處理時係旁邊𠝹過燒過，亦令到口感上升，配上少少日本京蔥碎，提升清新感
立食
-金鯛立鱗燒係我期待既一part，魚皮燒得超香脆，一啲都唔會太硬，魚肉好嫩滑，上面仲有少少紫蘇花，配菜有兩粒青椒，都幾得意。
壽司
-富山灣白蝦壽司，師傅話唔好睇呢度細細舊壽司，其實已經有10幾隻中蝦，仲有啲魚子醬係面，啲蝦好鮮甜一啲韌都冇
-鰤魚腩配蛋黃芥末醬，鰤魚肉質甜美，估唔到食壽司都有蛋黃芥末醬，但又唔會搶晒啲味
-北海道帆立貝壽司，貝柱輕輕燒過，會香口啲，帆立貝亦都好鮮甜，上面加咗少少松露茄醬，令到食落有少少松露味
-手釣池魚壽司，見到手釣都知矜貴啲，換上白昆布同埋麵豉醬，魚味冇頭先嗰啲咁濃，但係都好鮮甜
-俄羅斯牡丹蝦，呢個都幾特別，上面係大大隻嘅牡丹蝦刺身，下面係蝦頭蝦膏嘅炒飯，濃濃嘅蝦味，個炒飯比想像中好食
-海膽！期待既重點！呢到貴啲既其中一個原因！師傅話有兩款海膽，一款係大家omakase級數既赤海膽，另一款係拍賣級，拍賣排名睇緣份，但都會明顯貴一截，我今次既係拍賣第3名既馬糞海膽。食左赤海鮮先，好鮮好好食，再食馬糞，原來個味會差咁遠，明顯清甜啲，份量都唔少，唔會話一兩啖無曬，佢地紫菜都同樣用番好野，話貴過出面坊間用個啲。
-自家製魚湯，師傅話食完凍野要暖下胃，飲番個自家製魚湯，用曬日本魚，好濃既魚味，夠熱夠濃又唔腥。
甜品
-靜岡蜜瓜，用蜜瓜做埋味，清甜清甜，唔會太濃味，搶曬岩岩食既野啲味。
總結
環境、服務、食材都一流
價錢係進取，但相對又俾番多啲好野你食
前菜、刺身、立食、壽司樣樣有
處理方法都多，味道豐富
體驗好好
張貼
