Cow Bean (荃灣廣場) (已結業)

上個月已經見到呢個poster，心心念念要食呢個芝士焗龍蝦伴美國西冷牛扒。星期日晚，終於拉到一個人陪我一齊食，只需要加30蚊就可以有餐湯同埋餐飲。由於食肉獸都係需要多菜，所以就加咗個凱撒沙律，38蚊。其實一般人不額外嗌沙律都冇問題嘅，因為伴碟嘅菜有西式沙律菜、中華海草沙律、蛋白薯蓉，十分豐富。唯一唔好嘅地方就係荃灣呢一間Cow Bean分店地方淺窄，係行嘅近乎快餐店經營模式。喺等位嘅時候已經係話畀我哋聽今日人客多，所以進餐時間只係得1小時15分鐘。