劉興記生煎包專門店

營業中

休息中

放學次次都會揾D價廉物美既餐廳食lunch，今次就去左女人街新開既上海菜餐廳【劉興記生煎包專門店】。睇名就知道餐廳主打就係佢地既生煎包，而且點心、生煎包等都係駐場師傅每日新鮮包、絕對唔係急凍工廠貨，就算肉類幾乎都係每日街市新鮮入貨，非常有heart。有set或者單點，因爲我咩都想試下就叫左單點。招牌生煎包：超級無敵熱辣辣、爆曬湯，所以要食得好小心。調味有少少微甜，幾特別，而且個包底煎得好脆。蟹黃生煎包：老細話蟹黃生煎包係用真材實料既蟹膏、蟹籽同蟹肉去整，有別於一般出面既蟹黃生煎包。非常香濃蟹味！生炸鷄扒葱油拌麵：生炸鷄扒外皮香脆、裏面juicy。葱油拌麵用菜油同葱去整成，好香濃、有少少焦香味道、但又唔會食到全口油。百步葱油餅：呢個葱油同葱油拌麵又唔同、比較fresh D、葱既分量好多、外皮酥脆。豆漿：豆味香濃