影片
更多
2024-02-28
43 瀏覽
作為燒肉控，每次見到肉類放喺爐火上發出滋滋聲，已經非常期待同治癒到心靈，而我就最鍾意睇住啲肉喺個網燒熱啲聲🤤充滿網格紋入口最好食，自己落手燒特別滋味添～燒肉癮發作，一於約朋友嚟到銅鑼灣嘅「燒肉の殿堂」食番餐燒肉，滿足味蕾兼果腹！殿堂九品盛木盤上擺滿肉類，排列整齊令人食慾大增！一盒有齊九款肉類，作為集齊九款精選肉品嘅拼盤，唔洗擔心眼闊肚窄，一次過試齊封門柳、厚切牛舌、牛小排、牛脊肉、牛五花、牛柳、鹽燒雞爽肉及豬豚腩片，感受不同口感及不同食感👏🏻個人好欣賞封門柳，柔嫩肉質+豐富肉汁，令人難以抗拒；如果鍾意牛肉油脂嘅推介牛小排，經過爐燒後更香嫩更惹味，牛油脂濃香填滿整個口腔，非常幸福；爽軟嫩滑嘅牛舌亦係本人大愛，豬豚腩片為薄切，略為燒下，Keep到少少肉汁就就食得，全部都食到停唔到口，連應有嘅儀態都拋諸腦後～食完肉不如食返啲海鮮，依家餐廳做緊一周年感謝祭《鹽蒜元貝 無限放題》，加$98無限任食牛油鹽蒜元貝90分鐘！呢度嘅元貝好新鮮，而且好大隻厚肉，食幾隻已經回本！連埋殼咁燒，仲唔怕喺燒嘅過程中抽乾水份添💧細嫩嘅元貝經過燒烤，逐漸飽滿緊實，入口充滿牛油香氣同蒜蓉香味🧄殼中嘅湯汁吱吱作香，仲保留
作為燒肉控，每次見到肉類放喺爐火上發出滋滋聲，已經非常期待同治癒到心靈，而我就最鍾意睇住啲肉喺個網燒熱啲聲🤤充滿網格紋入口最好食，自己落手燒特別滋味添～燒肉癮發作，一於約朋友嚟到銅鑼灣嘅「燒肉の殿堂」食番餐燒肉，滿足味蕾兼果腹！
殿堂九品盛
木盤上擺滿肉類，排列整齊令人食慾大增！一盒有齊九款肉類，作為集齊九款精選肉品嘅拼盤，唔洗擔心眼闊肚窄，一次過試齊封門柳、厚切牛舌、牛小排、牛脊肉、牛五花、牛柳、鹽燒雞爽肉及豬豚腩片，感受不同口感及不同食感👏🏻個人好欣賞封門柳，柔嫩肉質+豐富肉汁，令人難以抗拒；如果鍾意牛肉油脂嘅推介牛小排，經過爐燒後更香嫩更惹味，牛油脂濃香填滿整個口腔，非常幸福；爽軟嫩滑嘅牛舌亦係本人大愛，豬豚腩片為薄切，略為燒下，Keep到少少肉汁就就食得，全部都食到停唔到口，連應有嘅儀態都拋諸腦後～
食完肉不如食返啲海鮮，依家餐廳做緊一周年感謝祭《鹽蒜元貝 無限放題》，加$98無限任食牛油鹽蒜元貝90分鐘！呢度嘅元貝好新鮮，而且好大隻厚肉，食幾隻已經回本！連埋殼咁燒，仲唔怕喺燒嘅過程中抽乾水份添💧細嫩嘅元貝經過燒烤，逐漸飽滿緊實，入口充滿牛油香氣同蒜蓉香味🧄殼中嘅湯汁吱吱作香，仲保留咗海鮮嘅鮮甜，彷彿品味大海嘅美妙！呢項無限放題屬於限時優惠嚟㗎，想大飽口福嘅話，千萬唔好錯過呢✔️
殿堂玉子飯
大大碗飯面鋪滿紫菜、飯素、香蔥及玉子，係燒肉必備嘅紫菜玉子飯！拌一拌再食，蛋汁混合粒粒分明米飯，充分帶出紫菜同飯素嘅香味，同白飯混合後嘅鬆軟口感令人食唔停口，左一啖燒肉右一啖玉子飯，呢種幸福，你懂的😆
明太子撈烏冬伴月見
烏冬順滑入口，煙韌嘅烏冬配上咸鮮味十足嘅明太子，仲有日本無菌蛋黃以及蔥花+紫菜絲嘅提味，味道比較溫和，食落非常滿足。食完燒肉之後食啖烏冬，無疑為身體注入一股清爽感，毫無負擔！
當然唔少得叫返兩杯飲品，可以清一清口腔再作戰🤣
熱情的沙漠（百香果梳打）
酸中帶甜嘅冰涼滋味令油膩感全消，就好似飲緊鮮百香果汁一樣，還原真實味道～
玫瑰玉林（巨峰可爾必思+soda+玫瑰花瓣）
可爾必思梳打中鎖住玫瑰嘅醇香，香氣馥郁，確係女士們首選🌷
*除咗特飲，仲見到清酒全日都有七五折‼️沖繩生啤仲有買一送一‼️好酒之人嘅福音～
最後要提一提餐廳上菜都好快，好快就將所有嘢食上曬枱面，而且每張檯有把鉸剪，方便大家燒肉時剪開啲肉，非常貼心🙌🏻重點係店內設備抽風強勁，能快速抽吸油煙，同朋友食飽飽離開時，大家身上嘅衣物全無油煙味，顛覆大家對燒肉之既定印象，十分難得～望一望張單，點解平咗咁多嘅？原來四點前離座午市單點食品可享七五折，真係好抵食！晚上8:30後更有大割引，大部份價錢$20起‼️
張貼
