影片
更多
2009-04-15
39 瀏覽
早兩日師傅再同得好友食家"乜都放入窿"食飯, 而今次地點就揀左喺老尖, 不過真正嘅食店就遲遲都未揀到, 而好友食家"乜都放入窿"就比左幾個選擇師傅揀, 有韓國菜, 中東卡巴同埋越南菜, 最後師傅就揀左越南菜!於是好友食家"乜都放入窿"就帶師傅黎左呢間食店, 入到去人唔算多, 得嗰幾枱客, 兩個人真係想點坐都得, 食店靜得可憐, 師傅仲以為好友食家"乜都放入窿"咁大整蠱, 不過既然係師傅嘅好友食家, 點都信得過嘅!坐底後即刻睇下有咩好野食啦, 左睇右睇好似樣樣都好吸引喎, 於是師傅最後揀左生牛肉湯濛配上火箭蝦卷, 而好友食家"乜都放入窿"就揀左香茅牛肉凍濛配上越南春卷, 再加多份青木瓜蝦沙律, 而飲品師傅就揀左紅毛丹冰, 好友食家"乜都放入窿"就要青檸梳打!唔使一陣就有得食, 未知係唔係人流少嘅關係呢? 幾分鐘就到齊所有食物, 師傅第一時間就要試下個生牛肉湯濛啦, 當然要分d比好友食家"乜都放入窿"啦, 分甘同味嘛; 先講湯底, 湯底夠清夠甜, 味道不錯, 但如果可以再餚耐多少少, 應該會更正; 而生牛肉真係半生熟咁, 肉身夠鬆夠滑, 絕對唔會過老, 不錯; 碗中有一舊白蘿蔔, 白蘿蔔未
於是好友食家"乜都放入窿"就帶師傅黎左呢間食店, 入到去人唔算多, 得嗰幾枱客, 兩個人真係想點坐都得, 食店靜得可憐, 師傅仲以為好友食家"乜都放入窿"咁大整蠱, 不過既然係師傅嘅好友食家, 點都信得過嘅!
坐底後即刻睇下有咩好野食啦, 左睇右睇好似樣樣都好吸引喎, 於是師傅最後揀左生牛肉湯濛配上火箭蝦卷, 而好友食家"乜都放入窿"就揀左香茅牛肉凍濛配上越南春卷, 再加多份青木瓜蝦沙律, 而飲品師傅就揀左紅毛丹冰, 好友食家"乜都放入窿"就要青檸梳打!
唔使一陣就有得食, 未知係唔係人流少嘅關係呢? 幾分鐘就到齊所有食物, 師傅第一時間就要試下個生牛肉湯濛啦, 當然要分d比好友食家"乜都放入窿"啦, 分甘同味嘛; 先講湯底, 湯底夠清夠甜, 味道不錯, 但如果可以再餚耐多少少, 應該會更正; 而生牛肉真係半生熟咁, 肉身夠鬆夠滑, 絕對唔會過老, 不錯; 碗中有一舊白蘿蔔, 白蘿蔔未算好腍同入味, 帶少少硬同有少少渣, 不過呢下師傅真係挑剔左d; 濛粉就爽口滑身, 配埋爽口芽菜, 真的不錯!
而好友食家"乜都放入窿"嘅香茅牛肉凍濛呢, 師傅就試左香茅牛肉, 牛肉香鬆, 香茅味道洽到好處唔會過火, 掂呀; 火箭蝦卷炸得非常鬆脆, 蝦身爽口, 熱辣辣再點少少酸甜醬, 真係非常好味; 越南春卷亦係一絕, 春卷炸得脆口非常, 入口又唔會成口油, 再配埋生菜, 真係好味過食生菜包; 青木瓜蝦沙律份量非常大份, 絕對足夠四個人食, 青木瓜切絲, 入口爽口清甜, 帶出一種好清好新嘅感覺, 而蝦肉甜美, 扎肉亦不差, 配埋沙律汁酸酸甜甜, 非常醒胃, 絕對係飯前或飯後嘅最佳配搭! 而紅毛丹冰亦屬不錯, 絕對收貨!
總括黎講食物質素頗佳, 環境夠靜夠舒服, 服務殷勤有禮, 而價錢又唔貴, 絕對抵食; 值得一提係師傅食到飽飽, 但仲未捨得走, 於是邊飲茶邊吹水, 而呢度嘅伙計竟然不斷為師傅添茶, 呢d服務態度絕對要表揚; 希望呢間食店可以繼續努力啦, 師傅會默默為你加油, 好肯定會有下次, 而笑臉值得一比! 最後多謝好友食家"乜都放入窿"嘅介紹同埋呢餐豐富嘅晚餐!
張貼
