椰林越南小館 (已結業)

one of my friend was later, therefore My friend and I went in to this restaurant and wait for him. We thought we just have to wait for 5-10 mins, so we havnt order anything yet.at 1st, we chose a table next to the door, but the air con keep blowing to our face. It was Freeze, we wanted to change seat, the waitress didnt 'black face' us at all, and even pick a table for us, a table that away from the air con. We have waited waited and waited. After an hour, my friend has finally arrived. We are s

上星期師傅一支公漫無目的地四圍行, 呢d咪而且最潮嘅<遊行>囉! 行下行下, 越行就越尖, 終於行到去老尖; 黎到老尖, 師傅個面都未趕得切尖, 但個肚已經凹到尖左, 亦即係代表是時候醫肚! 對於師傅黎講, 一個人喺呢區食野從來冇咩心水食店, 反而一班人仲多選擇; 皆因一條友去到邊到食野, 埋單時嘅感覺就好似一位中國古人的名字! 行左一陣, 突然師傅想食越南野, 就醒起好友食家"乜都放入窿"曾經帶師傅黎過呢間食店, 於是即刻急步趕往食店! 入到食店人唔算多, 得幾枱客, 一個人真係任你坐邊都得, 莫講話坐, 直頭瞓都得呀, 於是師傅就揀個位啱啱對正個大電視! 坐底後即刻睇下有咩好食, 最後師傅揀左生牛肉湯濛配上火箭蝦卷, 而飲品就要紅毛丹冰! 其實師傅一條友食野都離唔開嗰幾款, 不過咁耐冇黎, 唔知D水準有冇走樣啦? 正當等緊食野的時候, 師傅好懷念往時同好友食家"乜都放入窿"四圍食野嘅日子, 唔知幾時可以再瘋顛咁食呢? 發呆其間三款食物一下子已經放左喺師傅面前, 師傅第一時間當然係試下個生牛肉湯濛! 講下個湯底先, 湯底夠清夠甜, 飲唔出有味精, 味道真的不錯, 當下

Eason演唱會前食返呢間幾年前食過的小店, 味道依然okay叫左二人餐(價值108元):海南雞, 新鮮有雞味, 可惜係無骨, 個人鍾意有骨, 可以"lun"下春卷, 味道可口, 不過可以再脆d 馬拉盞炒芥蘭or 通菜, 選左通菜, 好啱味兩碗香飯甜品有椰汁黑糯米或生果, 選左生果, 有皺皮瓜, 都幾甜餐唔包飲品, 但每碟既size 都夠大(除左春卷只有兩條), 所以另加野飲都覺得尚可接受, 最後叫了一杯16元的青檸梳打.埋單124元, 唔洗加一其實係食店林立尖沙咀要屹立真的唔容易, 但呢間小館都可以在平日既日子到七點幾都坐滿, 都真係要靠口碑呢!

今日係我第三日返新工, 冇o係公司食, 因為今餐食蒸魚, 大家都話公司d魚好魚腥o咼~~第一次同同事出外食,我地今餐食越南野, 由於係lunch hour, 所以呢度勁多人~ 我地個個都order個lunch set, 因為我減肥中, 唔想食咁多肥膩野, 所以我order左個生牛肉紛絲跟蒸粉卷, 飲凍檸茶, 盛惠38元~~ 我覺得 味道都幾好味, 份量好足, 大到我都食唔晒~~ 我同事order左個鮮茄牛腩河, 睇落好足料, 又多鮮茄, 又多牛腩~ 仲有呢度d炒飯都好好味~~

因為心思思關係，走了去食越南野。午飯的關係，唔係太多人。星期日都有午餐Set Lunch。2個人叫了1個牛肉撈檬，1個豬肉撈檬。另外，再叫了1個牛油雞翼。午餐set lunch，$38左右，除了有個撈檬，仲跟一個小食，另外有杯野飲。叫了個火車頭，另外一個春卷．整體來說，份量足夠。質素都唔錯，不過都係一般水準，未話特別比其他好食。至於個雞翼，賣相唔錯，不過真係好"流"。最好要外賣，職員態度幾好，午飯又唔會收加一。兩個人食2個set lunch，再加個牛油雞翼，都係$110。

尋日夜晚想去食越南野. 就比我搵到呢間.環境唔錯, 有埋部LCD , 坐沙發位, 舒舒服服!!!最抵贊既係 - 個女服務員好好好好態度!! 樣樣都照顧周到, 會提點埋你點樣去食果D野食最好啦, 跟足你隨時想要野就會埋黎. 見到佢地都好識做.叫左個最平既2人晚餐 + 一個牛油雞WING.以為本身食得曬既...點知一黎到..原來成個SET都好多野..碟碟都大碟...最後兩個食到9成飽..都食唔曬. 食量GD!我地兩個叫左: 2人晚餐 泰式海南雞 (好滑! ) + 越南春卷 (用生菜包黎點魚露~但咬落好似軟身左.可能係我放得太耐先食既源故..) + 馬拉棧炒時蔬(我叫左通菜, 都OK.幾重蝦"GO"味 + 飯兩碗 + 兩杯DRINK(唔要跟餐既甜果就可以加8蚊一杯DRINK) $108 + 8 + 8 牛油雞WINGS..$35 (幾好食呀! 但有都係有一兩隻未炸熟..但整體真係好重牛油味 ! 正!)最後加一埋單 $175不過..唔知點解到9點幾時..突然有D 好舊既音樂..唔知係咪樓上果D傳黎..好難頂..後生唔岩聽.

炎炎夏日，走得累就要停下來歇一會。胡亂走到這裡。點了一個tea set，是雞翼拼春卷，配青檸梳打。炸物是剛炸起，熱騰騰的當然好吃。再配上一杯冰凍飲品，寧靜的環境加舒適的卡位，是休息的好地方。

夜晚收工肚餓到極，經朋友帶領下試下依間越南菜我地各自嗌左2個set dinner我份set: 香茅豬頸肉河粉: 豬頸肉好林，唔夠香 / 河粉重量都幾多下 越南春卷: 另外俾左2塊新鮮生菜，用黎包住春卷食，食落好脆又唔油，正 紅豆冰: 紅豆唔夠多，奶咪好重，麻麻地偷食左朋友份set: 白雲鳳爪: 酸酸辣辣幾好味環境都好好，我們坐卡位好舒服而且都幾衛生，咁既價錢，咁既環境，食得過!!

遊到尖沙咀, 見完客, 已是兩點多鐘, 係時候醫肚, 想起這裏有抵食下午茶餐, 唔駛多想. 餐牌上有多款茶餐, 大熱天時, 有乜好得過食涼浸浸, 開胃嘅撈濛? 我就揀咗: 越南春卷撈濛 + 椰汁冰 - 椰汁冰大大杯, 透心涼, 椰汁香就香, 略為啖咗少少. d撈濛係用正宗水晶濛粉, 入口好爽. 春卷亦炸到熱辣辣, 夠味! 份量亦頗足夠! 成個餐連凍飲都係$25大元, 認真抵食!

早兩日師傅再同得好友食家"乜都放入窿"食飯, 而今次地點就揀左喺老尖, 不過真正嘅食店就遲遲都未揀到, 而好友食家"乜都放入窿"就比左幾個選擇師傅揀, 有韓國菜, 中東卡巴同埋越南菜, 最後師傅就揀左越南菜!於是好友食家"乜都放入窿"就帶師傅黎左呢間食店, 入到去人唔算多, 得嗰幾枱客, 兩個人真係想點坐都得, 食店靜得可憐, 師傅仲以為好友食家"乜都放入窿"咁大整蠱, 不過既然係師傅嘅好友食家, 點都信得過嘅!坐底後即刻睇下有咩好野食啦, 左睇右睇好似樣樣都好吸引喎, 於是師傅最後揀左生牛肉湯濛配上火箭蝦卷, 而好友食家"乜都放入窿"就揀左香茅牛肉凍濛配上越南春卷, 再加多份青木瓜蝦沙律, 而飲品師傅就揀左紅毛丹冰, 好友食家"乜都放入窿"就要青檸梳打!唔使一陣就有得食, 未知係唔係人流少嘅關係呢? 幾分鐘就到齊所有食物, 師傅第一時間就要試下個生牛肉湯濛啦, 當然要分d比好友食家"乜都放入窿"啦, 分甘同味嘛; 先講湯底, 湯底夠清夠甜, 味道不錯, 但如果可以再餚耐多少少, 應該會更正; 而生牛肉真係半生熟咁, 肉身夠鬆夠滑, 絕對唔會過老, 不錯; 碗中有一舊白蘿蔔, 白蘿蔔未

今日想試D未食過既餐廳,朋友就介紹呢間.所以下午茶時間,就過去試!客人都幾多,不過就唔需要等位.叫個咖喱雞飯:味道真係唔錯!D咖喱汁又香又好味 雖然係下午茶,但都有4,5件雞肉, 果碟飯,仲好大碟添...抵! 越式炒檬粉:味道真係幾好,D檬粉就好似瀨粉. 但淋D,易夾又唔易斷,大碟又料多,正! 火箭蝦卷:幾特別,味道又唔差,要用生菜包住食~~一流 侍應都好好,仲教我地點樣食.飲品:咸檸檬梳打:味道好似怪怪地,唔酸又唔咸,只覺得好甜. 椰汁西米冰:好香,又唔會過甜,D西米綠色既~幾特別.

由於太肚餓，費事再周圍食，求其入呢間。同阿媽兩個人叫了兩個set lunch share 食。豬頸肉飯：得6-7片豬頸肉。豬頸肉下就係豉油飯。豬頸肉爽口，但就有d燒過火。個邊有點硬。越式炒檬粉：炒過火，有味。有咸少少。檬粉質地不錯，不會一夾即碎。配料不多，只有扎肉，蝦同蛋絲。餐飲，我要了珍多冰。好甜，有d粉紅色粒粒幾好食，爽爽地。整體黎講好一般，但只求經濟飽肚都可以。

大約一年前的不快經歷，令我係一年後先再有信心走入去食飯昨晚和男友大約八時多到達睇見d二人餐唔太吸引所以散叫問佢有無dinner set佢先至拎另一個餐牌出黎，呢個有d扣分了兩個人叫左:燒豬頸肉凍蒙+越南春卷(小食、兩條)+珍多冰 $41燒豬頸肉好味，好香口，但d蒙的份量較少，但因有小食送，所以一個人食都應該夠飽的越南春卷應該係即炸的，好熱，但又令人忍唔住立即吞落肚(結果今朝起身發現生飛滋了)入面有d芋絲、冬菇絲etc.味道都幾豐富，配埋生菜食，好味珍多冰就普通啦，個人黎計偏甜法式牛柳粒炒紅飯+咸檸梳打 $43呢個賣相好靚，但一食之下...只不過是黑椒牛柳粒配西炒飯d黑椒味好重，食唔到牛味，d牛肉好''林''，俾d梳打粉''na''得好緊要，唔太得開頭以為個炒飯係紅米飯，點知係西炒飯可幸味道唔錯，有d蛋同蕃茄一齊炒，都幾開胃咸檸梳打都係一般啦，都夠味的豉椒香葉炒蜆 $48呢個係必食，佢一送到黎，好大碟呀!!蜆肥美又無沙，有d仲幾大隻下添味道辣辣地，好好味，物超所值今的的食物同服務明顯地比我上年黎食好好多個男侍應雖然木口木面，但服務好好，見我地搵唔到位放蜆殼即時拎兩隻碟仔俾我地一

同女友行經寶勒巷，就入去試下。女友叫左個$41的套餐，有一個豬扒檬，一個小食(我地要春卷)，及一杯飲品(我地要椰汁涼粉冰)。我就散叫一個$39的蝦醬海鮮炒飯，因為見到人地叫，碟飯好大，好香蝦醬味，而且海鮮足料，唔錯。環境同服務都ok，而且唔貴。下次如果幾個fd去食飯我都會介紹這間。http://www.betaruce.com/foodtravel

約咗朋友B喺尖咀食飯, 因為我地之後想去飲嘢, 所以就諗住食d簡餐, 麵頪當然係好佳選擇!6點鬆d左右, 2條友行到去尖咀, 寶勒巷果度, 門面都幾好, 睇埋佢個餐牌, 幾食喎, 39蚊一份晚餐, 包一碗嘢, 一個小食同埋一杯嘢任, 啱晒我地target啦. 一入去,無咩人, 亞姐禮貌咁叫我地坐卡位, 幾舒服. 再睇睇餐牌. 39蚊, 但加嘢食就要加2蚊, 加特飲又加2蚊, 計計吓都要40幾蚊...都ok既.我叫咗: 生牛肉湯檬+酸辣鳳爪+青檸梳打朋友b叫咗 : 生牛內湯河+蒸粉卷+咸柑桔梳打生牛肉湯檬: 湯底一般, 要自己加魚露, 牛肉都係麻麻地, 合格啦酸辣鳳爪: 呢個幾好味, 辣得嚟易入, 夠凍, 唔錯青檸梳打: 夠凍, 唔太甜, ok生牛肉湯河: 河粉幾滑蒸粉卷 : 熱辣辣蒸起, 料都幾足, 唔會話成口粉, 好味咸柑桔梳打 : 第一嗒, 真係好咸, 飲到中途先好d, 有d冰溶落水, 都ok食完感覺係, 幾抵, 味道唔錯, 當然唔係話超好食果隻, 但想食d簡餐既, 我覺得可以去食呀,亞姐禮貌都唔錯, 抵玩呀2個人埋單, 90個大洋