Fûhn (The L. Square) (已結業)

朋友通知Fuhn 原來出左好多新菜式，其實佢自己好想再去飲牛油果奶昔🤣咁一去到緊係會叫返主打菜式「特式牛肉粉啦」～其實見到個蕃茄蟹粉都好想試，但當日無了，所以有啲新菜式都係要去到先知食唔食到了。但另外職員超nice 介紹我哋新出既蝦堡加黃金「鹹蛋黃」薯條，真係岩曬我口味。一上檯都無令人失望，仲好細心知我哋share，所以拎左刀俾我哋自己砌，當砌既時候已經好有驚喜。蝦扒又大又厚，砌落去仲有汁流出黎的👍🏻黃金薯條係即炸加上熱辣辣既蛋黃，超驚喜既作品。一定要食之選!仲有都會叫的雞扒撈檬，真係唔好睇少啲肉量，一啖粉加一件肉都唔過份，兩個女仔食仲有肉淨。其他之前讚過既牛油果奶昔，真材實料，都唔係度度可以飲到的。