鮨文 (裝修中)

匠🐠（$800）套餐包括左前菜、茶碗蒸、十三件壽司、手卷、魚湯、甜品。壽司由師傅發板，樣樣都夠曬新鮮。壽司有好多比較少食到既魚種🤔，例如針魚、小肌魚、真錭，每樣都食得出非常新鮮。司令覺得最有驚喜係鳥貝🐚，食落有少少爽口，帶幾濃既海鮮味，金目錭🐟亦都好有油香，可惜每樣得一舊啦！壽司裡面已經夾左手磨山葵，帶輕輕微辣，係誠意細節。再上既係三文魚子、海膽軍艦。三文魚子帶鹹鮮，爆發力十足，入口仲帶少少甜味，有驚喜👍🏻。食完壽司，上埋蔥拖羅手卷，細細一條，唔沾豉油都食到拖羅既油香😍，食多條都仲得！最後既甜品係蜜瓜，甜度十足，為整餐劃下一個非常好既句號啦！