影片
更多
2021-08-18
67 瀏覽
今日突然之間想食麻辣火鍋，就醒起之前食過有一間係旺角，今次第二次再嚟果然另有一番驚喜。呢間火鍋店都幾大，有上下兩層，今次我地兩個人就坐咗係上層。介紹吓啲醬料，其實都係一般嗰啲，但都應有盡有，佢仲特別準備左麻辣火鍋專用嘅香油，連圍裙都準備埋比客人，呢樣嘢要加分。湯底方面我哋揀咗鴛鴦自選鍋，一邊係重慶麻辣另外一邊係香濃豬骨湯，麻辣湯底非常有層次，有濃烈嘅牛油香味，再配上花椒辣椒乾有另外一層辣味風湧出來，果然係正宗嘅重慶麻辣。嘢食方面我哋點左呢度推介嘅鬼馬墨魚滑，顧名思義一邊緊係油炸鬼，一邊就係墨魚滑，油炸鬼鬆脆香口移另外一邊嘅墨魚滑就爽脆鮮甜，呢個配搭係的確幾新鮮嘅。肉類方面我哋點左五花西班牙黑毛豬腩片，食太多肥牛突然想食豬肉，呢個豬腩片果然冇令我失望，薄切得來肉味亦都好濃郁。海鮮方面我哋叫咗桂花蚌，不過不失都算幾新鮮。雖然冇叫牛肉，但食得麻辣火鍋點可以唔叫牛胸爽，牛胸爽好新鮮，唔需要煮好耐牛肉釋放出嚟嘅油脂實在太濃郁，亦都好爽脆，口感一流。配菜方面我哋叫咗土豆片，萵筍片，同埋皇帝菜，土豆片同萵筍片切得好薄，切得博攞嚟打邊爐其實就一流。最後嘢飲梗係要叫返罐天地1號啦，咁耐冇北上打邊爐，喺香
介紹吓啲醬料，其實都係一般嗰啲，但都應有盡有，佢仲特別準備左麻辣火鍋專用嘅香油，連圍裙都準備埋比客人，呢樣嘢要加分。
湯底方面我哋揀咗鴛鴦自選鍋，一邊係重慶麻辣另外一邊係香濃豬骨湯，麻辣湯底非常有層次，有濃烈嘅牛油香味，再配上花椒辣椒乾有另外一層辣味風湧出來，果然係正宗嘅重慶麻辣。
嘢食方面我哋點左呢度推介嘅鬼馬墨魚滑，顧名思義一邊緊係油炸鬼，一邊就係墨魚滑，油炸鬼鬆脆香口移另外一邊嘅墨魚滑就爽脆鮮甜，呢個配搭係的確幾新鮮嘅。
肉類方面我哋點左五花西班牙黑毛豬腩片，食太多肥牛突然想食豬肉，呢個豬腩片果然冇令我失望，薄切得來肉味亦都好濃郁。
海鮮方面我哋叫咗桂花蚌，不過不失都算幾新鮮。
雖然冇叫牛肉，但食得麻辣火鍋點可以唔叫牛胸爽，牛胸爽好新鮮，唔需要煮好耐牛肉釋放出嚟嘅油脂實在太濃郁，亦都好爽脆，口感一流。
配菜方面我哋叫咗土豆片，萵筍片，同埋皇帝菜，土豆片同萵筍片切得好薄，切得博攞嚟打邊爐其實就一流。
最後嘢飲梗係要叫返罐天地1號啦，咁耐冇北上打邊爐，喺香港飲到天地1號都好開心。
張貼
