蘇媽.蘇媽馬來西亞茶餐室 (已結業)

呢間位於深水埗嘅馬來西亞菜鋪頭細細，入面唔係好多張枱，我哋嚟到嘅時候都要等位，不過好在等一等就有位！一坐低店員就會幫你斟杯肉骨茶俾你飲先，就好似平時茶餐廳一坐低就會俾杯水你咁！佢嘅肉骨茶重藥材味，飲得出係落足料去幫煲！飲哂之後店員會再幫你加！我哋叫咗個辣死你嗎配牛肉，個名好得意！佢嘅牛肉辣辣地，應該係用咗啲秘製馬來西亞醬汁去做，個飯撈埋d牛肉一齊食好好味，牛肉隔離仲有一Pat辣椒醬，撈埋呢個辣椒醬食就真係好辣！