蘇媽.蘇媽馬來西亞茶餐室

蘇媽蘇媽而家新出咗午市精選套餐， 十二點至兩點半都有得食，  主餐配小食都唔使一百蚊，包熱咖啡或奶茶， 好抵食！

檳城白咖喱麵(油麵) $62
白咖喱有好濃嘅椰香味而且唔辣 🥰 有豬紅，蝦，雞蛋， 青豆及白魚蛋！  油麵較淋身，白魚蛋爽口彈牙! 因為冇馬來西亞食嘅咁啦辣，味道非常適合香港人！

油菜+$12
一顆生菜心，清甜

招牌沙鍋老鼠粉$88
老鼠粉煙煙靭靭， 好有鑊氣又唔會太濃味！有魚乾肉碎同蛋，有花生蒜蓉碎調味！

追加小食串燒三串+$38
串燒係豬雞牛各一串，沙爹甜甜地非常正宗！ 豬肉串燒最淋最好食🥰

咖啡奶茶都好香濃順滑👍🏻👍🏻👍🏻