漢城美食

營業中

休息中

今次搵食搵到黎尖沙咀，金巴利道一帶一向都多韓國餐廳，今次呢間，小妹以前讀書都黎過，佢都可以話係呢頭嘅元祖店黎，廿年前已經開業。餐廳菜式種類繁多，讀書時都係貪佢經濟又多野揀👍🏻，仲要佢係韓國人主理，食物好有韓國媽媽嘅味道😊，夠哂正宗。⭐️蜜糖蒜蓉雞翼完全唔吝嗇嘅蜜糖，包住成隻雞翼，帶有淡淡嘅蒜蓉味，再加上炸得香脆嘅雞皮，雞翼肉多juicy，會忍唔住食完一隻又一隻🤤。就連伴碟嘅年糕，點蜜糖食都好好味👍🏻。⭐️炸醬麵傳統韓國炸醬麵，唔使飛去韓國，係呢到都食到。平時睇韓劇就見得多，原來冬天食住一碗熱辣辣暖笠笠嘅炸醬麵，係咁舒服。入面嘅餸，都係傳統會有嘅洋蔥，肉粒同青瓜，食緊個時，可以幻想下，自己去左韓國😂🙈，好似啲韓劇咁，OT要食炸醬麵。⭐️漢城炸年糕好刺激嘅辣年糕，辣得黎又好過癮🥹，熱辣辣，啲年糕煮得好煙韌🥰，配上魚片同菜，仲有個辣湯，超惹味！個汁我拎哂黎點其他野食😂😂😂冬天必點！⭐️牛肉紫菜飯卷牛肉紫菜飯卷，包左好多餡，唔會淨係食到飯🙈，每啖都好香嘅麻油味👍🏻。同行朋友，食到舔舔脷啊！