Outdark (飛達商業中心)

營業中

休息中

Outdark 之前去尖沙咀分店食過，排咗好耐，食過返尋味，旺角分店比較大，今次早咗去等位。店內環境好多星星燈，似係野外露營睇星咁，同韓國啲店基本上都冇乜分別，全部都係卡位，唔使擔心會坐得好迫，同其他人都有適當距離。雖然佢有好多韓國嘅招牌菜，例如炒雞鍋，但係我都點咗一啲好少地方有嘅菜式，韓式炸醬麵，麵咬起黎煙靭，配上一片片五花肉，鹹度適中，有2粒鵪鶉蛋。香蒜蜜糖炸雞半份，炸雞外脆甜甜，內裏配上薯格同薯條。順帶一提，佢呢度所有嘅雞，都係雞髀肉嚟㗎，包保唔會有太乾嘅感覺。再嚟有海鮮煎餅，有三色椒，蝦，韭菜，冬菇，表面香脆，入面鬆軟。個人十分推薦大家嚟到一定要試。最後叫咗杯冇酒精嘅薄荷Mojito好有驚喜，一洗先前Heavy食物嘅飽滯。