南대門3號

營業中

休息中

作為係韓國讀過書嘅我，無時無刻都會掛住家鄉菜，宜家香港感温成40度，我最鐘意熱辣辣食冷麵。今次食嘅辣伴冷麵（$92）有辣醬，凍冰冰嘅麵好降温，辣醬就少少刺激，兩感交雜，口感好過癮， 上面仲有塊勁好食嘅牛同蒸蛋，好爽呀！

另外，流左太多汗，我就幾鐘意食返啲湯麵，補充返水份，一向覺得牛骨湯好花心機做岀嚟，韓牛又好食喎，呢個牛骨湯（$110）都唔例外呀，湯好有牛味又濃，奶嫩重，飲一啖食一啖飯喉嚨好舒服，飲完一啲都唔口渴即係無味精! 

兩個人食叫多份鐵板五花肉（$128）就啱啱好喇，食完啱啱好，行成日都有氣有力呀！五花肉無圖片咁濕潤，店員都為我地切開方便食用，實物睇落徧乾，但食落又幾好，可以佢夠多肥肉，咬落軟淋淋，特別係下下面啲洋蔥索哂啲豬味，好香甜！有機會要再嚟試下個海鮮煎餅，我見隔離枱食得好滋味！