南대門3號

營業中

休息中

如果你晏晝四點鐘會嚟我會由晏晝三點鐘開始開心😝一行入餐廳就會見到小王子同狐狸嘅燈牌下面嗰句韓文就係呢個意思真係有夠浪漫如果下次約人去食韓國嘢唔好淨係識去食炸雞韓燒醬油蟹部隊鍋呢啲真係要人多先食得夠爽人少少嘅話去間小店都另有一番風味～一落單就有前菜三小碟～泡菜芽菜翠肉瓜免費嘅前菜但幾好食，似係阿媽整嘅感覺同埋有個好可愛嘅阿佐思唔知係咪老闆嚟🤣鐵板醬醃牛肋骨好大碟～係韓國醃肉醬食落口啖啖肉，另外仲有幾舊骨墊底個泡菜豆腐煲入面仲有豬肉排骨同啲菜泡菜味好勁都幾酸～要撈飯一齊食先搞得掂炸醬麵超掛汁，唔係豉油味而係黑豆醬味好似有啲冬菇同荀絲同洋蔥～啱晒夏天食兩個人食呢個份量啱啱好～滿足到韓國胃嘅！呢間南大門原來係尖沙咀有好幾間分店一樣係韓國人主理嘅小店～餐牌大同小異不過味道唔錯，價錢份量亦都合理如果兩個人想食韓國嘢的確係個唔錯嘅選擇

金巴利道同天文臺道交界附近有好多韓國菜，見呢間店名係韓文，餐牌都有唔少選擇，入咗去試吓，店舖唔算大，有兩邊座位都坐得好舒服，店員中文唔太叻，點餐都叫我哋自己寫 Number落紙仔。點餐後店員送上三小碟韓式前菜，自家醃製嘅泡菜、瓜片同豆芽見佢用咗一樽樽人蔘酒牌喺卡位隔離做裝飾，就試咗個人蔘雞湯 $189 好大隻雞煮到好腍，近乎骨肉分離，佢並冇一大支人蔘，而係細細塊人蔘片，頭兩啖飲落稍嫌唔夠味，但飲到最尾開始濃郁，建議搞多兩搞先開始飲會更平均另外叫咗個雪濃牛骨湯 $110 ，用牛骨煲嘅湯好鮮甜，有腍腍哋嘅牛肉薄片，個湯鹹香送飯

今日咁啱經過尖沙咀門口見到一間韓國餐廳好吸引，於是忍唔住入去試一試！蔥餅 🌿 呢間嘅蔥餅真係無得輸！外皮煎到金黃脆口，一咬落去「索」一聲，入面啲蔥多到爆，仲要夠晒香，完全冇嗰陣草青味。最正係佢個醬汁，甜甜辣辣，同蔥餅夾到癲！不過要趁熱食，凍咗會變韌，同阿媽煲電話粥咁難咬。 Seafood Pan Cake 🦑 個海鮮煎餅料多到好似唔使錢咁，每啖都食到魷魚同蝦，仲有啲蔬菜粒增加口感。個邊煎到脆卜卜，中間就軟熟，點埋佢哋自家製嘅醬汁，真係停唔到口。部隊湯 🍲 呢個部隊湯簡直係「大雜燴」嘅代表！腸仔、午餐肉、年糕、泡菜、即食麵咩都有，湯底夠濃郁，辣度適中，飲完成個人暖笠笠。最正係啲芝士溶喺湯入面，拉絲效果一流，邪惡到爆！不過份量真係多，兩個人食都夠，一個人挑戰嘅話可能要打包返屋企。 炒粉絲 🍜 呢個炒粉絲鑊氣十足，粉絲炒到乾身唔油膩，仲有啲蔬菜同肉絲增加口感。味道偏清淡，但係好啱我呢啲怕鹹嘅人。南대門3號 (尖沙咀)尖沙咀金巴利道65-67號太平洋大廈地下3號舖

數日前同朋友去咗呢間韓式餐廳吃飯，食物都唔錯，Lunch時間order咗之後，很快就上菜，我地笑說效率十足香港人，但望入去廚房，看見是一位韓國姨姨去炮製。我地三個人，點咗雜菜牛肉炒粉絲、海鮮辣豆腐湯、海鮮煎餅，大家share食。配料十足嘅雜菜牛肉炒粉絲，牛肉粒份量頗多的，加入咗黑椒碎，香味更突出。海鮮辣豆腐湯，橙紅色湯底看似甚為辛辣，但食落去又可以接受，配上鮮蝦、大蜆等，每啖湯配埋白飯甚為惹味。海鮮煎餅，口感似中式薄餅，裡面是香蔥、蝦米粒。如果要找一個詞形容，住家菜當之無愧。

6月2號食呢間野。想講呢間野味道真係唔差，嗌咗個冷麵同鐵板豬肉，一開始食到舔舔脷。以為又揾到一間可以經常食嘅韓國野。dxxm估你唔到，食到一半喺辣豬肉食出只曱甴，仲要得翻個殼。大佬啊，有冇咁大整蠱，我食左一半你先出現，仲要唔係全屍。人生真係第一次食到曱甴，真係想死。即刻同個韓國老細講，佢就急急腳話no pay no pay然後收走左個豬肉。然後我同佢話，我地食到一半，食到蟲咁點啊？佢就指住張單話no pay no pay。本身都唔想寫衰佢，但係今日嚟尖沙咀食飯又諗起呢間嘢，即刻反胃唔想食，大家睇路

放假諗住食下韓國嘢 去咗尖沙咀韓國街 一行入韓國街就見到呢間舖頭前邊有個韓國大叔老闆好熱情咁招手叫我哋入佢間餐廳 仲話佢地有得揀韓燒或者唔韓燒 附近都係佢嘅分店 比佢嘅熱情吸引到 我地就入咗呢間餐一坐低就上咗3碟前菜 我地叫咗個水冷麵同人蔘雞湯水冷麵會跟一支醋同一支黃芥末 食落去十分清爽 酸酸地好開胃 一啖接一啖咁食人蔘雞湯嘅蔘味唔重 不過份量十分之大 雞入面包有少少糯米 雞湯清清地飲落十分舒服 飲完都唔覺口渴💰兩人用餐 人均消費$150南대門3號 (尖沙咀)📍尖沙咀金巴利道65-67號太平洋大廈地下3號舖

5.10睇完$30戲，就同朋友黎tst食韓國野醫肚先！門口有位親切的韓國大叔招待客人，大叔態度很熱情❤️‍🔥，所以我地就選左呢間餐廳。兩個人叫左兩樣食物，每份食物都大大碟！韓國飲食文化，先黎三碟前菜，泡菜夠哂辣，茄子ok啦，豆芽一般。韓國鐵板炒豬肉配白飯，份量夠兩個人分，不過飯米太濕，扣分！最近點埋海鮮燒餅，好大份，有d燒焦左d，味道一般。可惜啤酒選擇不多，500ml都要$50，所以迫住似汽水🥤

坐落於尖沙咀繁華區，這裡的韓國餐廳散發著溫馨氛圍，現代室內裝潢以木地板和豪華座位為特色，是一個理想的聚會場所 🇰🇷 〘 豬肉拼盤 〙品嚐韓式豬肉燒烤套餐，包含豐富的招牌菜品 - 嫩美豬腩肉、豬肚肉、豬頸肉和醃製薄豬肚，搭配泡菜或黃豆湯。我們最愛的醃製豬腩肉（看起來像培根），由親切的韓國服務生在桌上烹煮，烹煮得恰到好處，金黃誘人。〘 水冷麵 〙品嚐水冷麵，這道地的冷麵菜式包含有彈牙的麵條、新鮮黃瓜和蛋，浸泡在微妙調味的涼湯中 - 是夏日的絕佳享受。〘 韭菜煎餅 〙品味韓式韭菜煎餅，邊緣煎至金黃酥脆，提供美味簡約和地道風味，毫無虛飾 - 是最棒的韓國街頭美食體驗。📍南大門 (尖沙咀)尖沙咀金巴利道65-67號太平洋大廈地下2號舖

如果想喺香港食到正宗嘅韓國味道，尖沙咀韓國街絕對係一個好去處！上星期我去咗「南大門✨」，呢間餐廳由韓國人主理，真係充滿地道嘅韓國風味。**春川炒辣雞🍗** 呢道菜真係好正！炒得香辣入味，雞肉嫩滑，仲有不過既嘅蔬菜，口感非常豐富。份量非常多，幾個人食都夠😋。**雪濃湯🥣** 韓國傳統嘅雪濃湯，味道豐富，飲落去暖心暖胃。牛肉入味夠嫩滑，香氣四溢，配合白飯食真係一流。**水冷麵🍜** 夏天食呢個真係最啱！麵條滑順，湯底清爽，仲有幾片清新嘅黃瓜同雞蛋，食落去好消暑。特別適合喺熱天時食，用來解渴又好味！整體來講，「南大門✨」真係值得一試，每一款菜式都好出色，令人忍唔住想再嚟！👍

when i walk across the street, there are many kr food in the kr street in tst. why i pick this place. becos the ajussi is very storng and handsome sitting at the front door. he doesnt speak chinese that ehy i kew him is a korea. a koreAn open a kr food place must not be so bad at least i believe. and their menu is very nice. emphasising without +1.price is normal 7x-8x, little exoensive bit acceptable.portion is big, i eated stone rice so full. taste is like kr, just a bit pale taste.will come b

第一次打食評因為實在係太差嘅經驗，希望大家唔好中伏！同朋友兩個人附近揾韓國嘢食，見呢間坐滿人，評分又唔差就諗住試下。我地嗌咗海鮮豆腐湯、海鮮煎餅同炸醬麵。嘢食全部都好油，味道好一般，海鮮湯入面啲蜆有沙，蝦又霉。海鮮煎餅完全無味，只係好油膩。我地食到一半已經肚痛，食完大家都即刻揾廁所又屙又嘔😓海鮮唔新鮮，衛生情況好一般，亦完全無服務可言！簡直係貼錢買難受！絕對無下次！未試過食完一餐飯咁辛苦咁嬲！！！😠😠

行完街搵野食，經過呢間鋪門口見個韓國人老板幾好笑容，咁就入咗去食，點知中哂招！鐵板五花肉！大伏！五花肉又細又瘦又柴！鐵板八爪魚，得幾條鬚，墊底嘅菜就超級多！最離譜係啱啱食完就收碟，收碗，收杯，跟住放埋張單喺枱面，再講出邊有人等緊位，叫埋單！講緊係岩岩食完放低筷子，啲員工就收野，老闆放低單，分工合作，行運流水，完全冇多餘嘅動作，精彩！服務態度超差，岩岩食完飲啖水都唔得，由坐低到走都無refill過杯水！

星期五晚上7:00冇訂位入嚟，得兩台客，坐到8:00開始有一半客人。叫咗個拼盤$900 ，有豬有牛。品質差，個韓燒爐唔夠力，好細火。四個大人一個細路，食咗$1170。牛肉和豬肉質素非常普通，比較韌。配菜唔係咁好食。幾位外籍店員服務幾好。地方坐得比較辛苦，張凳唔舒服，環境比較迫，周圍比較污糟。應該唔會再嚟食。香港係咪因為人工高，舖租貴，食物質素所以下降。另外提一提，廁所非常擠迫，沒有洗手液，水龍頭好似就嚟爛一樣擺嚟擺去。室內油煙機冇正常運作，完

服務超差。叫個店員refill 泡真，態度差爆！唔肯卑，一碟泡菜姐。仲要d野食無樣好食！快d執立！連基本小菜都整得無樣好食，完全唔係韓國菜一回事。未食過一個泡菜海鮮湯咁難食,好似食緊番茄既味道，完全唔係平時食既泡菜湯。永遠都唔有下次！咁垃圾既韓國菜第一次係香港食，仲要服務差到爆完全影響心情！最基本紫菜壽司飯都可以咁普通咁唔好食，仲要係韓國人開？係大陸食都好食過距。

下次不會再來這裏，特意來吃人蔘雞湯，湯沒有人蔘的味道，雞肉煮得太熟，沒味，乾燥。另外，叫來一碟牛肉鐵板燒，味道惹味，牛肉軟身，汁醬好味，還有蔬菜伴着，送飯挺好。看看你好不好彩，叫了什麼。