不二江湖菜

營業中

休息中

依家香港食川菜嘅選擇越嚟越多，依間食物質素高仲要坐得幾舒服！首先叫左個蒜泥拍青瓜，蒜味香濃得嚟唔會哽喉，青瓜好爽口，開胃又清新主菜麻辣香鍋，可以自己揀辣度同四款以上嘅配菜，我就叫左五花肉、土豆片、萵筍同寬粉！炒得好香好惹味得黎唔會太鹹同辣全部配料都夠晒入味，土豆片同埋萵筍仲要好爽口！送飯一流另外仲叫咗個不二毛血旺，呢個係晚市套餐嘅份量，唔係套餐嘅話會再大啲！女仔嚟講呢個份量都好夠。有鴨血、毛肚、餐肉、肥腸，味道濃郁唔會煮到好韌飲品叫左鴨屎香檸檬茶同鹹柑桔蜜，大杯又解渴，食辣嘢啱晒！嘢食選擇仲有好多，下次要試埋！