羊奶芝士配木梨果蓉多士 ($68)
羊奶芝士唔會有羊羶味, 好易入味👍仲要都有成2-3cm厚 餐廳無慳架! 芝士上面有少少香甜木梨果蓉令脆多士帶點甜味👍食厭左餐包，可以試依個多口感的多士!
傳統蕃茄醬煮肉丸 ($78)
帶點香草蕃茄醬好濃郁, 好幼滑, 用黎點肉丸食唔會覺得好膩. 肉丸十分厚實, 啖啖肉, 唔似加左其他面粉同添加劑.
傳統墨魚汁大蝦炒幼麵 ($178)
第一次係西餐廳食炒幼麵, 好似cut碎左的天使麵, 比天使麵更易入口. 表面仲加左少少芝士, 令到墨魚汁更加香味濃郁, 幼麵也十分掛汁! 魷魚大蝦都幾多, 好新鮮, 個麵食落先知原來仲有細細粒的墨魚嘴一齊炒, 好有驚喜!
西班牙焦糖燉蛋 ($58)
原來係香橙焦糖燉蛋! 即叫即整, 表面上的焦糖微焦，烤得好脆，燉蛋口感很幼滑，仲有好香的香橙味!
凍檸茶 ($45)
餐廳食物款式多, 價錢合理. 餐廳環境坐得十分舒服, 大部分店員都似係外國人, 餐廳十分有外國風情!晚上去/ Happy Holiday去一定更有feel.
