成都老碼頭火鍋 (已結業)

呢間火鍋裝修好有特色，富有中國傳統味道既裝修😉去到被安排坐卡位，舒服闊落。餐廳有火鍋醬料自助區，除一般醬油外，仲有黃豆及老碼頭秘製香油。旁邊仲有水果供應🍉🍈🍊先揀湯底， 飲咗鴛鴦湯底，港式辣味及豬骨湯。 因為怕好辣🌶️所以都係揀廣式風味好過成都風味 😜港式對於我嚟講都已經好辣🌶️🌶️🌶️畀喺出面一般嘅湯底偏辣，但係好香。豬骨湯都有好多料，有菇、杞子等等。🔸打邊爐梗係要食牛，叫左A4和牛牛頸脊，雪花好靚，薄片食落去充滿油脂，好香牛味，正😋🔸老碼頭筷子牛肉，聽落去好得意，其實唔知係咩嚟😂叫咗原來係一條條嘅牛肉，淥完之後係爽口嘅牛肉，幾特別👍🔸呢度啲響鈴好食，新鮮即炸，而且唔多油，好脆好食😚🔸手工龍蝦肉蝦丸， 呢度嘅丸都幾彈牙， 丸咬落去真係有蝦， 真材實料😗🔸叫埋個黑松露牛肉丸，牛肉丸有淡淡黑松露香，但唔算好濃，牛肉有點似山竹牛肉風味 ，同想像中有啲唔同🤣🔸萵筍同冇乜特別。另外想潤下喉，叫咗菊花 龍眼杞子蜜，非常潤，好大渣😜開頭仲怕唔夠飽，因為一小碟一小碟咁，但食食下就已經好夠飽🤣呢間打邊爐高質🥰 樣樣都好食！