新泰東南亞餐廳 (已搬遷) 新店位置

自從上個月去完泰國之後，嗰條食泰式野嘅癮就一直都無停過，所以約左朋友黎食下呢間咁多好評嘅泰式餐廳，止下條癮先呢度嘅環境唔錯，雖然要上一層但尚算近地鐵出口，地方企理，衛生都應該幾好，所以我就試一試佢個生蝦因為一來都唔係間間泰菜嘅衛生環境都咁好，二來有啲直情無供應生蝦添！呢度啲食物果然都無令我失望生蝦非常新鮮又夠凍，伴碟嘅青醬好酸辣，啱哂我口味另外個海鮮冬蔭功金邊粉都令我有驚喜，除咗夠大碗多海鮮之外，粉煮得比一般餐廳更彈牙，好食最後個淋滿椰漿嘅芒果糯米飯都好正，因為飯嘅軟硬適中又夠熱，配埋微冷嘅芒果同椰漿簡直係一流總括而言值得再黎，令我食完依餐之後真係好想即刻飛去泰國再食過