影片
更多
2023-01-18
196 瀏覽
今日同朋友無啦啦講食粥，就諗起沙田雞粥，諗諗下真係好耐無去食，就立即打去book位，當晚就去食。東鐵開通之後真係方便好多，港島過去都勁快🥳招牌-沙田新強記雞粥一大窩有黃油嘅雞粥上，大概都有6-7碗，粥底夠綿軟，雞汁味突出。主角嘅雞件大小都適中，雞肉鮮嫩美味，絕對唔會失望🤤金牌燒乳鴿乳鴿皮卜卜脆之餘而肉仲可以保持返鮮嫩濕潤，火喉控制得好好同調味適當，唔洗點淮鹽都夠哂味。麻辣肥牛炒寬粉…應該係粉絲😂餐牌係炒寬粉，點知經侍應講先知原來轉左做粉絲，都照order，但師傅炒得好好，夠乾身。菜式既味道就麻而不辣，而且好多肥牛，唔錯👍🏻
招牌-沙田新強記雞粥
一大窩有黃油嘅雞粥上，大概都有6-7碗，粥底夠綿軟，雞汁味突出。主角嘅雞件大小都適中，雞肉鮮嫩美味，絕對唔會失望🤤
金牌燒乳鴿
乳鴿皮卜卜脆之餘而肉仲可以保持返鮮嫩濕潤，火喉控制得好好同調味適當，唔洗點淮鹽都夠哂味。
麻辣肥牛炒寬粉…應該係粉絲😂
餐牌係炒寬粉，點知經侍應講先知原來轉左做粉絲，都照order，但師傅炒得好好，夠乾身。菜式既味道就麻而不辣，而且好多肥牛，唔錯👍🏻
張貼
