LeeLaksa

營業中

休息中

餐廳6點後禁止堂食，雖然係下午茶時間可以堂食，但我都係攞返屋企食安全啲舒服啲。去咗上環嘅LeeLaksa，新開張仍係試業中，但係非常多人幫襯。食物味道真係幾幾正宗👏食過香港嘅新加坡菜之中，呢間都算數一數二。叫咗兩個餐：星加坡喇沙同巴東牛肉飯。 味道真係拍得住新加坡當地水準，配料非常豐富，有豆卜，魚蛋，魚片，蝦，雞蛋，芽菜，湯底椰香味滿溢，小小辣好惹味。巴東牛肉非常香，肉質又唔會太乾💯飲品就有香茅青檸荔枝梳打同香茅橙茶。 香茅橙茶好清新，見到裏面有兩大片香橙。香茅青檸荔枝梳打都好好飲，荔枝嘅味道幾出。