影片
更多
2020-12-04
39 瀏覽
土瓜灣食過金鶴拉麵，超級好食，超級正宗，今日去炮台山見到有分店，二話不說，即刻入去尋找日本味。拉麵/飯散叫由70幾至90幾蚊，而二人套餐256蚊就有兩個拉麵、兩個小食、兩杯嘢飲，真係好抵，所以揀咗個二人套餐。主食揀咗金鶴雞白湯拉麵同埋咖哩吉列豬扒飯，小食有炸雞、煎餃子、燒牛舌（+$30）。我哋兩份都揀咗炸雞。拉麵有咬口而且好掛湯，好味，湯底雞白湯好濃郁，飲晒成碗都冇口渴，應該冇落味精，真材實料，讚！咖喱味正常，豬扒好食，夠鬆化，外層好脆，配上日本咖喱，送珍珠米一流。天氣凍凍地，想食炸嘢，所以兩份小食都揀咗炸雞，每份有三大件，外脆內嫩，正正正！總括嚟講256蚊兩個人，有主菜、小食，飲品，真係好抵，最重要嘅係食物質素真係唔錯，好有日本風味。不停見到好多人外賣，原來外賣自取有8折，真係好鬼抵！
拉麵/飯散叫由70幾至90幾蚊，而二人套餐256蚊就有兩個拉麵、兩個小食、兩杯嘢飲，真係好抵，所以揀咗個二人套餐。
主食揀咗金鶴雞白湯拉麵同埋咖哩吉列豬扒飯，小食有炸雞、煎餃子、燒牛舌（+$30）。我哋兩份都揀咗炸雞。
拉麵有咬口而且好掛湯，好味，湯底雞白湯好濃郁，飲晒成碗都冇口渴，應該冇落味精，真材實料，讚！
咖喱味正常，豬扒好食，夠鬆化，外層好脆，配上日本咖喱，送珍珠米一流。
天氣凍凍地，想食炸嘢，所以兩份小食都揀咗炸雞，每份有三大件，外脆內嫩，正正正！
總括嚟講256蚊兩個人，有主菜、小食，飲品，真係好抵，最重要嘅係食物質素真係唔錯，好有日本風味。不停見到好多人外賣，原來外賣自取有8折，真係好鬼抵！
張貼
