長浜No.1拉麵

營業中

休息中

今日同朋友一齊去中環想食拉麵 ，朋友就介紹我哋去食長浜 ，其實以前食拉麵鐘意飲湯底 ，今次就想試下正宗日式嘅拉麵會係點。 朋友就介紹咗我哋入去呢一間拉麵。 因為其實呢個師傅係日本人喺日本好似都開個日本拉麵嘅麵檔。 咁就要入去試一試。燒魚餅 呢個燒魚餅燒得唔錯 皮脆肉鮮嫩 帶有濃烈嘅魚尾同埋我覺得佢揸得唔錯好有日本式嘅煮法作為餐前小食我覺得呢個都幾值得點嘅。Number one拉麵: 呢碗豬骨拉麵,豬骨味都非常濃郁｡ 如果你睇下我啲相，佢嗰啲湯面頭都凝结一層豬骨嘅精華。 加上佢嗰塊紫菜襯埋個湯底都非常好食! 食埋D雲耳夾埋個拉麵都非常好食。 同埋呢碗拉麵都會比較多豬肉啱曬一啲鍾意食肉嘅朋友。 如果鍾意食拉麵嘅朋友呢碗number one拉麵大家可以一試。 而我就比較欣賞佢個面質同埋佢獨特嘅湯底我個人認為都幾有日式嘅味道。玉子拉麵: 呢個玉子拉麵其實係我朋友叫嘅咁其實同我個碗都大同小異唯一唔同就係佢呢碗會少啲肉，但係味道都係一流。最後如果大家行過中環區嘅朋友可以試下呢間隱世嘅拉麵我覺得呢間都值得一試起碼要支持一啲小店。 個人推薦number one拉麵。