神虎麺商店

營業中

休息中

終於有時間同瓊姐見面食飯，今次我哋約咗係灣仔食拉麵，瓊姐介紹我去一間正宗日式拉麵店叫「神虎麵商店」。 拉麵店門口已經好有日本特色 ，大紅燈籠高高掛，一進店內有如置身日本一樣 ，好耀眼啊～打開餐牌，拉麵款式都算多，我就揀選了神虎精選，因為所以配料呢碗拉麵都有齊晒。材料包括有精選配料有味付溏心蛋，極叉燒(豚腩肉)，味付筍及紫菜。拉麵彈牙煙韌， 湯底豬骨味濃郁， 溏心蛋好滑溜， 最不得了嘅就係極叉燒，大大件足三両重，哈哈，肉質腍入味。今次真係啖啖肉啊～真材實料，跟足日本風味。而瓊姐就食海老虎，好花櫻花蝦呀～呢個係香港限定，日本同中國長沙店都冇架，唯香港獨有。一品料理就點了神虎餃子， 餃子外形肥大， 餡料十足，煎到外脆內軟，味道很不錯。價錢方面尚算合理正常價，如果有朋友問在灣仔想食拉麵，我都會叫朋友試下「神虎麵店」。