影片
更多
2006-04-28
11 瀏覽
27 April 2006 (Thur) - Birthday Dinner (5)一個非常識食既舊同事帶我並請我黎呢度食我既生日飯，入面舖子雖少，但係好地道！食物既款式同水準絶對係出面搵唔到既正宗日式居酒屋！經舊同事簡約說明，知道呢度以前係一間叫卯佐木既居酒屋，老板係日本人，但係後尾話攰唔做啦，就轉咗手比而家既老板Thomas(其中一個老板應該話)，而呢個老板係以前卯佐木既熟客，雖然係一個外國人，但係佢喺日本住咗好多年，所以絶對係懂流利日本語，而家既店舖，係沿用返以前既裝修、枱櫈，同埋都係食地道日本小食！如果想喺呢度食魚生壽司，就絶對錯晒啦，因為呢度係主打燒及煮物，主打以送酒為題既小食，我諗同日本既居酒屋概念係一樣！而另外一個女老板，就係日本人，佢亦係負責serve我哋，所以好多時都要用身體語言同佢溝通！我哋叫咗都唔係好多嘢，有凍番茄，燒魚，燒鷄潤，燒鷄腎，煙用番茄燒，燒羊扒．．等等(我完全唔記得晒)！樣樣嘢食都好味，尤其以燒鷄潤為最上等，我未食過咁好食既鷄潤；燒魚則唔係我預期中咁樣，好似再乾身啲會更好味，但其實都好唔錯，我既舊同事好喜歡；燒羊扒又係另一個必吃，我以前唔食羊肉，因為怕
一個非常識食既舊同事帶我並請我黎呢度食我既生日飯，入面舖子雖少，但係好地道！食物既款式同水準絶對係出面搵唔到既正宗日式居酒屋！經舊同事簡約說明，知道呢度以前係一間叫卯佐木既居酒屋，老板係日本人，但係後尾話攰唔做啦，就轉咗手比而家既老板Thomas(其中一個老板應該話)，而呢個老板係以前卯佐木既熟客，雖然係一個外國人，但係佢喺日本住咗好多年，所以絶對係懂流利日本語，而家既店舖，係沿用返以前既裝修、枱櫈，同埋都係食地道日本小食！如果想喺呢度食魚生壽司，就絶對錯晒啦，因為呢度係主打燒及煮物，主打以送酒為題既小食，我諗同日本既居酒屋概念係一樣！而另外一個女老板，就係日本人，佢亦係負責serve我哋，所以好多時都要用身體語言同佢溝通！
我哋叫咗都唔係好多嘢，有凍番茄，燒魚，燒鷄潤，燒鷄腎，煙用番茄燒，燒羊扒．．等等(我完全唔記得晒)！樣樣嘢食都好味，尤其以燒鷄潤為最上等，我未食過咁好食既鷄潤；燒魚則唔係我預期中咁樣，好似再乾身啲會更好味，但其實都好唔錯，我既舊同事好喜歡；燒羊扒又係另一個必吃，我以前唔食羊肉，因為怕’蘇’，後來發現只要唔太’蘇’既我都食到啦，但係今次呢個羊扒真既好味到我都覺得係我食過咁多次中最唔’蘇’，最好味既！
最後我仲叫咗個納豆加白飯，今次係我人生中第一次食納豆，好多人都話納豆好難食，舊同事話其實納豆好好味，為咗要我有一個對納豆既完美既第一次，師傳阿健特別為我整咗一碗己經搞好咗既納豆加少少葱放於一碗熱白飯上，味道．．．確實唔錯喎，並唔係其他人講得咁難食啫，反之都幾好味！舊同事話納豆係一定要配合熱白飯食先至好味！我諗都係真既，因為如果齋食納豆，就會唔好食架啦！
雖然我哋唔係叫咗好多嘢食，但係我哋飲咗好似成六支細支裝既凍sake，所以都好飽！飲飽食醉，真係多謝晒呢位咁識食既舊同事啦！
張貼