影片
更多
2018-10-07
31 瀏覽
因為男朋友話好耐無食過拉麵，所以今晚去咗銅鑼灣登龍街既蔦拉麵。我哋之前都去東京食過哩間米之蓮推介拉麵店，令我地一試難忘，依家拉麵店最出名嘅係鹽味拉麵亦即係以雞肉湯拉麵首先上菜既係燒烤梅花肉，開放式廚房可以見到師父好有心機地將一早烹調好既梅花肉一片一片砌成一個塔一樣，再加上特別調製既牛油醬。食落個醬酸酸地，配豬肉幾開胃。之後就係醬油味玉拉麵，入面包括叉燒一片，糖心蛋，松露醬，筍乾，日本大蔥。賣相吸引。第一啖湯飲落鹹味適中，絕對唔會太鹹，撈勻左松露張之後成碗麵散發住好香嘅松露味，飲落唔會太搶，平衡得啱啱好。佢嘅糖心蛋絕對係必試，首先佢嘅糖心蛋非常之入味，連蛋黃都都變埋色，配拉麵絕對係一絕。雖然略嫌不夠流心，但係非常之好味。佢嘅叉燒係豬肩肉，食落好淋又有豬肉味，同其他連鎖拉麵店相比佢嘅叉燒做得比較好。筍乾亦係我喺香港拉麵店食過最好嘅。我食既係味噌味玉拉麵，湯底比醬油湯底較鹹，有好香味噌味。配菜有叉燒一片，糖心蛋，紫洋蔥，辣醬，牛肝菌蘑菇油，粟米，西洋菜。佢係新派嘅拉麵，配菜亦都係喺其他拉麵比較少見嘅，配搭起嚟幾新鮮，亦都幾好食。最後試咗個抹茶奶凍，抹茶奶凍好有抹茶味唔太甜，配上又甜又香既紅豆
首先上菜既係燒烤梅花肉，開放式廚房可以見到師父好有心機地將一早烹調好既梅花肉一片一片砌成一個塔一樣，再加上特別調製既牛油醬。食落個醬酸酸地，配豬肉幾開胃。
之後就係醬油味玉拉麵，入面包括叉燒一片，糖心蛋，松露醬，筍乾，日本大蔥。賣相吸引。第一啖湯飲落鹹味適中，絕對唔會太鹹，撈勻左松露張之後成碗麵散發住好香嘅松露味，飲落唔會太搶，平衡得啱啱好。
佢嘅糖心蛋絕對係必試，首先佢嘅糖心蛋非常之入味，連蛋黃都都變埋色，配拉麵絕對係一絕。雖然略嫌不夠流心，但係非常之好味。
佢嘅叉燒係豬肩肉，食落好淋又有豬肉味，同其他連鎖拉麵店相比佢嘅叉燒做得比較好。筍乾亦係我喺香港拉麵店食過最好嘅。
我食既係味噌味玉拉麵，湯底比醬油湯底較鹹，有好香味噌味。配菜有叉燒一片，糖心蛋，紫洋蔥，辣醬，牛肝菌蘑菇油，粟米，西洋菜。佢係新派嘅拉麵，配菜亦都係喺其他拉麵比較少見嘅，配搭起嚟幾新鮮，亦都幾好食。
最後試咗個抹茶奶凍，抹茶奶凍好有抹茶味唔太甜，配上又甜又香既紅豆蓉同埋忌廉， 係值得推介既甜品。
蔦拉麵黎左香港之後水準同東京本店差唔多，而且裝修得好靚，坐得好舒服。唔使去日本就有更高級享受，絕對會再返黎食。
張貼
