成都老碼頭火鍋 (已結業)

門口望到呢間火鍋嘅裝修已經覺得勁有氣派，係充滿特色嘅中國風設計。由於同行朋友唔係好食得辣，所以揀咗鮮淆豬骨湯底，湯底味道鮮甜濃郁。不得不提就係嗰個火鍋調料，雖然款式唔係超多，但係真係精粹之一！老碼頭火鍋秘制香油、黃豆粒同埋芝麻醬，撈埋一齊勁香濃美味，點咩都咁好食！嗰種香油嘅味道，同我之前喺成都食到嘅係一樣㗎～火鍋配料我叫咗響鈴、萵筍條、手打龍蝦肉蝦丸、老友鬼鬼墨魚滑、皇帝菜、冰豆腐、五花肉同埋西班牙黑毛豬腩片。響鈴超大嚿，炸得夠香脆，落去拖一拖，正～萵筍條好適合用嚟打邊爐，不過後來見到隔離枱食嘅功夫萵筍片，係片成超薄片，應該口感仲好。冰豆腐必點！吸晒啲湯汁超好食😋食到七七八八就叫咗一碗玫瑰冰粉，透明嘅冰粉加上山楂、提子乾、西瓜，配上黑糖汁，作為飯後甜品一流～最後仲喺自助區拎咗芒果同埋西瓜，非常滿足！