麻辣風雲 (荃碧大廈) (已結業)

家姐又發現到新開張嘅川菜~即刻call 我過去陪佢試吓~位於荃灣海壩街荃碧大廈1樓呢間麻辣風雲~由地鐵站行過去5分鐘都唔洗~門面好大，遠遠就見到～一啲都唔難搵～有侍應喺樓下接待～量完體溫就可以上去～環境幾大幾寬闊～原來除咗川菜仲有埋日本嘢不過今次我哋主要目的係食川菜~所以日本菜就留待下次每次食川菜都一定會叫泡椒鳯爪~唔太辣，食唔到辣嘅朋友都可以試試～涼拌牛展麻辣味好入味，牛展唔係林吱吱又唔係韌，好有口感京蔥牛肉平時唔食京蔥嘅我，竟然覺得好好食～牛肉唔韌，每一啖都要搭上京蔥～而家先知牛肉同京蔥原來係咁夾嘅～水煮牛肉有啲辣，好似鹹咗啲，要叫碗白飯搭救比較喜歡底下啲水晶粉麻婆豆腐豆腐超滑～就咁食都得～芡汁係有用麻椒，味道都幾特別～香辣雞煲超香超吸引～雞件超入味算多～其他配料都好好味～值得一試～炸饅頭一碟六舊唔怕唔夠食～外脆內軟～川味肉碎水晶粉呢碟水晶粉亦都係我推介可能因為我鐘意水晶粉～好入味，成碟幾乎我清晒咁濟最後嚟個清炒青芛絲食咗啲咁油嘅嘢～緊係要食返碟清清哋～不過唔知點解覺得呢碟唔係炒嘅整體嚟講都幾正宗幾好味~坐得舒適~一班人去食係不錯嘅選擇~