影片
更多
2023-11-21
45 瀏覽
位於西營盤既西班牙菜La Paloma係同朋友經常會到訪既餐廳，鍾意佢地菜式味道正宗之餘飲品選擇夠多，可以同朋友摸下杯底傾計🥂🔸Venta Las VacasDrink menu有好多選擇，尤其西班牙葡萄酒種類繁多🍷同朋友揀左呢一枝來自Ribera del Duero，以tempranillo提子造成既紅酒，順滑單寧加上濃郁微甜黑果味道，配濃味西班牙菜平衡適宜又唔會搶fo🥴🔸和牛及鵝肝配長法包開胃前菜以件數落單，估唔到有驚喜🤤將鵝肝填滿法包，和牛片放上面再用火槍燒香，牛肉油脂香氣同充滿空氣感既法包完全係perfect match，必試！🔸煙燻三文魚配墨西哥酸忌廉及三文魚子煙三文魚同酸忌廉係經典配搭，加上小脆餅及三文魚子，酸甜味道好開胃🔸伊比利亞火腿酥炸忌廉球酥炸忌廉球可以選擇火腿或蘑菇餡，外層炸至金黃香脆，但裏面仍保持濕潤綿滑，火腿鹹香令人食唔停口🔸伊比利亞火腿佐雞蛋及脆薯片其中一道呀麵最愛既tapas，伊比利亞火腿、脆薯片同煎蛋雖然係簡單配搭，但店員撈勻之後各種食材味道融和一齊，超級好味🥰🔸慢煮烤乳豬配椰菜仔及蘑菇乳豬慢煮過後肉質軟嫩，表皮香脆酥化，連中間肥肉部份都煮至入口即溶，完全
🔸Venta Las Vacas
Drink menu有好多選擇，尤其西班牙葡萄酒種類繁多🍷同朋友揀左呢一枝來自Ribera del Duero，以tempranillo提子造成既紅酒，順滑單寧加上濃郁微甜黑果味道，配濃味西班牙菜平衡適宜又唔會搶fo🥴
🔸和牛及鵝肝配長法包
開胃前菜以件數落單，估唔到有驚喜🤤將鵝肝填滿法包，和牛片放上面再用火槍燒香，牛肉油脂香氣同充滿空氣感既法包完全係perfect match，必試！
🔸煙燻三文魚配墨西哥酸忌廉及三文魚子
煙三文魚同酸忌廉係經典配搭，加上小脆餅及三文魚子，酸甜味道好開胃
🔸伊比利亞火腿酥炸忌廉球
酥炸忌廉球可以選擇火腿或蘑菇餡，外層炸至金黃香脆，但裏面仍保持濕潤綿滑，火腿鹹香令人食唔停口
🔸伊比利亞火腿佐雞蛋及脆薯片
其中一道呀麵最愛既tapas，伊比利亞火腿、脆薯片同煎蛋雖然係簡單配搭，但店員撈勻之後各種食材味道融和一齊，超級好味🥰
🔸慢煮烤乳豬配椰菜仔及蘑菇
乳豬慢煮過後肉質軟嫩，表皮香脆酥化，連中間肥肉部份都煮至入口即溶，完全唔覺得油膩😍
🔸伊比利亞豬肉及野生蘑菇燴飯
食西班牙菜唔少得重頭戲paella，但見到呢度既燴飯一定會被驚喜到！燴飯用大大鑄鐵鑊端上，飯粒分明而且帶微微焦香，配合豬肉及蘑菇等食材味道濃郁，幾個朋友share就剛剛好喇🤤
張貼
