影片
更多
2024-02-20
23 瀏覽
過年日日食盆菜，食到口好淡，即刻約咗食辣嘅FD食一餐辣嘢。哩間餐廳晚市都full曬，如果冇book位就要等好耐，想食就要book定位先啦。大部分客人都食雞煲同烤魚，睇落唔錯。可樂，食川菜必叫。熱韓國柚子蜜，可以叫少甜，柚子味道好重，飲落好溫和。鹽燒牛肉串（兩串），用咗少少辣椒粉同孜然粉調味。牛肉切得好大一件，燒烤火候掌握得好好，食落碳香十足，好味。鮮九葉花椒BB豆花烤海鱸魚，分量都幾大下。哩間烤魚醬香味濃郁，叫咗小辣都唔會好辣。魚皮好焦脆，肉好嫩滑，搭配埋香辣醬汁食落好惹味。配菜仲有好多款，有洋蔥，薯粉，黑木耳，豆花同青瓜等，食配菜都食飽啦。豆花尤其好味，入口即化，嗦曬湯汁鮮甜味道。脆焦糖燒菠蘿，最後都要叫份甜品食下。菠蘿燒過，食落更加香甜。加埋表面香脆焦糖，食到停唔落口。過年日日食到好飽，今日唔想食太多，求其叫幾個餸，都食得好滿足TIM。
可樂，食川菜必叫。熱韓國柚子蜜，可以叫少甜，柚子味道好重，飲落好溫和。
鹽燒牛肉串（兩串），用咗少少辣椒粉同孜然粉調味。牛肉切得好大一件，燒烤火候掌握得好好，食落碳香十足，好味。
鮮九葉花椒BB豆花烤海鱸魚，分量都幾大下。哩間烤魚醬香味濃郁，叫咗小辣都唔會好辣。魚皮好焦脆，肉好嫩滑，搭配埋香辣醬汁食落好惹味。配菜仲有好多款，有洋蔥，薯粉，黑木耳，豆花同青瓜等，食配菜都食飽啦。豆花尤其好味，入口即化，嗦曬湯汁鮮甜味道。
脆焦糖燒菠蘿，最後都要叫份甜品食下。菠蘿燒過，食落更加香甜。加埋表面香脆焦糖，食到停唔落口。
過年日日食到好飽，今日唔想食太多，求其叫幾個餸，都食得好滿足TIM。
張貼
