小麻吉滷肉飯 (已結業)

因為我非常之咁喜歡食鹽酥雞但老公唔中意食既關係，就黎左呢度食台灣野，我有我食，佢有佢食佢喜歡食既野，呢間台灣野都幾抵食因為佢有個是套餐，揀一個主食，兩款小食加一杯嘢飲都只係$60，好抵。當然佢亦都有得散叫，有飯之外亦都有麵食。呢杯係阿薩姆茶加珍珠，即係茶味加珍珠咁簡單，因為冇乜甜味所以有少少失望，又或者可能我叫錯野🤦🏻‍♀️🤦🏻‍♀️呢個套餐係滷肉飯加鹽酥雞再加滷水豬耳，份量都幾大份，一個人食都好夠飽，味道亦都相當唔錯，尤其是個鹽酥雞，外脆內軟，熱辣辣好味道👍🏻👍🏻👍🏻呢杯係咖啡加珍珠，呢個配搭第一次試，都幾得意。麻辣牛肉麵，辣味略嫌唔夠辣，但湯底濃郁搭救，牛肉非常林，整體不錯。炸花枝丸同炸雲吞，雲吞較細粒，花枝丸好香魷魚味👍🏻👍🏻👍🏻