丁爸食府

營業中

休息中

屋企附近開左由台灣人開嘅台灣美食店，哽係要去試一試！menu有好多選擇，每樣都係去台灣必食！蚵仔煎 用薯粉同雞蛋煎得好香，入面每一粒蚵仔都好大粒超飽滿，仲好多蔬菜，搭配甜辣醬簡直係蚵仔煎嘅絕配！食一啖彷彿飛到去台灣🤣🤣滷肉飯 醬汁濃稠，滷肉嘅油香加上醬香舖滿一碗香噴噴嘅白飯上面，簡直停唔到口。大腸蚵仔米線大腸煮得好軟霖，蚵仔超多！大大粒好飽滿，好新鮮，搭配台灣米線，充滿台式風味。麻辣鴨血臭豆腐一開蓋聞到臭豆腐嘅臭味🤣但係食落又好香，豆腐吸曬醬汁又唔會蓋過豆香，鴨血超好食，係比較脆嘅口感，唔會有腥味，絕對值得一試。