九份•十分 (河畔花園) (已結業)

晚飯時間到了，下著大雨........唯有近近地去屋企附近食。平時九份十份要排好耐隊，今日可能因為落雨關係不用排，一入去就有位。點內環境裝修得吾錯，好似去左轉台彎上次食過紅燒牛肉麵非常之正今次一定要嗌返！你睇圖九，根肉分眀食落口好入味，軟綿綿勁正大家去到一定要叫！真心無介紹錯！面底我叫左粗面，好有咬口，軟硬適中整個面配合得非常之好。另外仲叫左一份雞翼滷肉飯！都一樣咁好味滷肉好正！食反台北食到嗰種風味同埋有兩大隻雞全翼真係好抵食，如果女仔食的話一定要同人share！叫咗兩份煮食，另外都叫咗一份老虎醬鴨舌，聽到個名覺得好有趣於是問waiter , 原來老虎醬係台灣地道嘅辣醬野味得來帶出鴨舌嘅香味！ 大家如果鍾意食鴨舌可以唔使淨係叫滷水可以試吓呢隻！最後仲叫左個滷水併盤有：鴨腎，豬腸，滷水蛋，雞翼同鴨舌保持水準！仲有我哋一人叫咗一杯水果茶，茶味香濃唔會太甜，食飽酸酸地幫助消化。