305
44
16
港鐵沙田圍站 C 出口, 步行約9分鐘 繼續閱讀
所有分店 (3)
電話號碼
28779220
開飯介紹
走新派路線的台灣菜館,鹽酥雞配上六種調味粉供食客自行調味,包括咖喱、紫菜和芝士粉等。 繼續閱讀
營業時間
今日營業
11:00 - 23:00
星期一至日
11:00 - 23:00
付款方式
現金 八達通
食評 (410)
等級4 2019-09-28
583 瀏覽
呢日又同小朋友去咗交通安全公園度玩, 玩完之後喺附近搵嘢食, 公園周圍都有好多食肆, 見到有間台灣菜我同屋企人上次都喺上水度試過, 記得上次食過都唔錯,所以今次都去食。紅燒半筋半牛肉麵唔記得上次喺上水分店食過牛肉麵覺得幾好食, 所以今次在叫, 但今次叫嘅係半筋半牛肉, 個湯底幾有牛肉味 ,幾清甜有少少辣, 麵方面可以揀粗麵或者有麵我揀咗粗麵, 粗麵食落有咬口幾爽, 牛筋和牛肉煲炆得好冧好入味。微辣脆脆椒雞軟骨上枱嘅時候有少少嚇親, 個賣相望落去好似好辣咁, 但係啲紅椒食落去唔會好辣, 可能係用咗甜椒, 同埋佢將啲甜椒炸到好脆, 感覺有啲好似食緊脆片咁, 雞軟骨都炸到好脆好香口。醉小三醉小三分別有醉雞 ,醉豬手和醉鴨舌, 三樣分別都做得幾入味, 唔會太重酒味, 豬手幾淋身。香蕉黑芝麻雪糕配窩夫窩夫係即叫即做需時大約十分鐘, 食落口外脆內軟, 香蕉有即燒嘅焦糖鋪面, 食落好香脆。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-03
929 瀏覽
每一次嚟到我地頭河畔花園 我都會推薦朋友一齊嚟食呢間充滿心思嘅台灣餐廳- 九份十分一踏入去裝修就好有台灣嘅風味 有大大幅九份十分嘅壁畫 有關火車鐵路嘅裝飾 彷彿返咗去台灣老街嘅樣子麻醬雞絲粉皮($38) 一個好正宗嘅麻醬雞絲粉皮 入面有青瓜絲雞絲同粉皮 青瓜絲好flash 雞絲一啲都唔慳皮 用料好足百味鹽酥雞($58) 百味鹽酥雞絕對係九份十份其中一份招牌菜式 鹽酥雞配上幾種唔同嘅調味粉 ,分別有梅子!原味咖哩芝士紫菜等等 分量非常多 雞肉炸得外脆內嫩 性價比非常高嘅一餐忌廉雞翼肉燥飯($68) 食台灣餐廳當然要食肉燥飯啦 呢一份肉燥飯有少少特別 用上忌廉芝士雞翼 一咬入去 芝士 滲曬出嚟 味道好特別同好有特色咖哩吉列魚柳飯($78) 除咗台式菜色之外 亦都有咖哩吉列魚柳飯呢一類型港式菜式係餐單入面 有炸薯角做配菜 吉列魚柳份量好多 同炸得好嫩😋Oreo珍珠奶茶 ($28)  & Oreo沙冰($48) Oreo沙冰一定要飲 沙冰好有質感係牛奶同oreo一齊打成 入邊仲有粒粒嘅oreo碎片Oreo珍珠奶茶飲落有 cookies and cream嘅味道 相當特別 繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-31
621 瀏覽
去台北的近郊遊玩,九份同十分這兩個地方早已經成為各國遊客來台的旅遊熱點。總之,大家一看見《九份 • 十分》這四個字,一定會想起台灣。而我撰寫的這一篇文,是關於《九份 • 十分》的,不過,我介紹的,並不是新北市的著名景點,而是位於沙田,河畔花園的一家台式食店。我找了兩個中午,專程過來,一試這店的台灣菜風味。餐廳的佈置,的確令人想起了九份同十分這兩個地方。登山的古老火車,窄小的街道。就是原本九份同十分的地區寫照。因為這樣的擺設,令到整個飲食的環境,很台灣。第一次來,我要了一碗紅燒牛肉麵。濃濃的牛肉湯帶少少的辣勁,伴麵的炸菜酸菜又增加了一定的美味。牛肉的味道同湯底同樣地濃郁可口。麵條,我就選擇了台式的粗麵,入口煙煙韌韌的,要用少少力去咀嚼的麵才是麵。麵條有口感,連帶湯汁,連帶牛肉,連帶酸菜,一起吃入口的感覺,可是美妙。當日配的飲品是柑桔檸檬。雖有柑桔的渣滓,但檸檬汁應該是 syrup,餐廳用上了密封的膠杯,盡是傳統台式飲品的表現。隔了一兩天,我再來一次,這一次就叫了一個飯餐吃,吃的是烤香腸肉燥鹽酥炸雞粒飯。鹽酥炸雞夠咸香,外層夠乾身,而且咬開的是非常嫩滑的雞肉。香腸是台式的,肉味比較濃,而肉燥淋在飯面上,更加是香口得非常,這是一個很惹味的台式飯餐。這一次我要了台式奶茶。不太喜歡珍珠的我當然是走了珍珠。單飲奶茶也是夠香口的。味道同一般的台茶店的出品一樣,夠凍,夠奶香,正。很正點的一家台式餐廳,難怪開在河畔這一個住宅區,在中午的時段,都可以吸引到沙田區佈工作的人,特登坐車來品嗜《九份 • 十分》的風味啦。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-09
1676 瀏覽
每次同老公黎河畔花園,都覺得呢一度係美食天堂,不同種類的餐廳應有盡有,今次我哋就食咗呢一間台式餐廳首先,我哋揀咗一隻古早醉鴿,平時食醉雞、醉鴨舌就食得多,醉乳鴿真係第一次,估唔到有幾夾喎!調味帶出乳鴿肉的鮮味,幾特別既然醉乳鴿做得咁出色,我哋都忍唔住叫埋醉溏心蛋, 因為係凍食既關係,所以你會見到晶瑩剔透既流心蛋黃都相當濃稠,入口香濃,簡直別有一番滋味牛肉麵可以話係台灣食物入面不可或缺既一部份。呢次我地試左呢度既半筋半腩牛肉麵,我地揀左粗身麵食,麵好有嚼勁,而牛腩連筋非常軟綿,膠質豐富,湯底都好香,就連酸菜都非常易入口呢度既滷味拼盤都唔錯架,我地呢次叫左細份黎食,但份量都好足,有鴨舌啊,腸啊,豆腐啊,腎啊咁,全部都滷得好香好入味飲品方面我地叫左個紫薯珍珠同埋芝士奶蓋紅茶。紫薯味好出眾,連埋軟糯既珍珠一齊食居然係咁夾。至於個芝士奶蓋紅茶,個茶味幾清香,連埋奶蓋印亦唔覺太膩。甜到入心既甜品一向都係我地既至愛,今次我地叫左個美顏蓮子百合桃膠湯,凍食黎既,感覺好補身養顏咁,亦唔會太甜,多食無妨 繼續閱讀
(以上食評乃用戶個人意見 , 並不代表OpenRice之觀點。)
同朋友夾唔到期重遊台灣就唯有食台灣餐廳頂頂癮。今次揀大家中間點:沙田 (不過距離沙田火車站大約10分鐘路程)蚵仔煎一直也是我最喜歡的台灣小食,香港好難搵到有台灣風味的,但呢度有。 雖然蚵仔比較細,但他的蛋煎得香,醬亦有台灣夜市酸甜的味道。睇得出佢用好多菜作配料,很健康!讓我想起台北夜市其中一檔也是落很多生菜一起煎😋好味 ($38亦好抵)第二款要點的小食必定是鹽酥雞了。想不到這裡的份量是這麼大😂 兩個人食一碟都有啲飽。新鮮熱辣香脆嘅鹽酥雞可以自己選擇口味👍 啱曬我呢啲每樣都想試下嘅人,亦岩唒鍾意調教粉多少的朋友😂😂 首推芝士撈咖哩粉,夠入味同芝士粉落少少都好香。 ($48) 點解呢度啲小食禁大份😂😂😂煮食我哋叫咗紅燒半根牛肉麵,淋淋的根好味,湯有少少微辣同有牛肉精華味👍 麵煮得唔太淋,有咬口我鍾意😍😍 湯底唔太多味精,至少我吃完不太渴。但不吃辣的朋友官先問店員有冇得走辣。飲品我簡維多利亞的秘密,完全唔明呢個名嘅由來。 其實佢係一杯優格野莓沙冰😂😂餐牌寫住沙冰不能減甜度, 但其實呢杯沙冰不太甜 ,好清新,酸甜適中。 呢杯沙冰一上枱完全嚇親我同朋友, 沙冰高出杯子嘅一半, 要即刻飲少少飲杯入面嘅乳酪先有位督碎啲沙冰,好有驚喜😂。朋友揀水果茶, 水果渣比較多,都好足料☺本身想食埋窩夫,但呢度啲嘢食實在太大份,要留返下次再嚟先食。(其實呢度都幾抵食😋)台灣木牌手信,好靚嘅設計。同朋友嚟呢度食飯傾計都幾好,環境闊落,店員唔會趕我哋走,可以考慮嘅一個聚會地方👍( 不過要 早少少入座,見七點左右餐廳已經差唔多八成滿,餐廳都幾受歡迎) 繼續閱讀
(以上食評乃用戶個人意見 , 並不代表OpenRice之觀點。)